ەركىن كۇرەستەن ك س ر و سپورت شەبەرى دۇيسەن سمايلوۆتى ەسكە الۋعا ارنالعان رەسپۋبليكالىق تۋرنير ءوتتى - فوتو

بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.

وسىمەن جەتىنشى مارتە ۇيىمداستىرىلعان تۋرنيرگە الماتى، اقتوبە، اتىراۋ، وڭتۇستىك قازاقستان، سولتۇستىك قازاقستان، جامبىل جانە  قىزىلوردا وبلىستارىنان 11 كوماندا، 200 گە جۋىق سپورتشى باق سىنادى.

جارىستىڭ ماقساتى - ك س ر و سپورت شەبەرى دۇيسەن سمايلوۆتى ەسكە الۋ، جاسوسپىرىمدەر اراسىندا ەركىن كۇرەستى دامىتۋ، سالاۋاتتى ءومىر سالتىن ناسيحاتتاۋ، پالۋانداردىڭ سپورتتىق شەبەرلىگىن ارتتىرۋ، جاسوسپىرىمدەردى دوستىققا، پاتريوتتىق سەزىمگە، ۇلتتىق مادەنيەتكە تاربيەلەۋ.

ەكى كۇنگە سوزىلعان جارىس قورىتىندىسى بويىنشا ۇلدار اراسىندا 42 كەلى سالماق دارەجەسىندە بەكنۇر تويعازى ( قىزىلوردا وبلىسى)، 46 كەلىدە يسلامبەك حادجيميد (و ق و)، 50 كەلىدە اسىل ايتاقىن (الماتى وبلىسى)، 54 كەلىدە سانجار دوسجانوۆ (الماتى وبلىسى)، 58 كەلىدە ازامات باكىرات (و ق و)، 63 كەلىدە ەلدار جولبولسىن (الماتى وبلىسى)، 69 كەلىدە مۇراتبەك ماجيتوۆ (اقتوبە وبلىسى)، 76 كەلىدە نۇراسىل جەتكەرگەن ( قىزىلوردا وبلىسى)، 85 كەلىدە قايسار تۇربەرگەنوۆ (الماتى وبلىسى)، 100 كەلىدە سامات ءتاجى ( قىزىلوردا وبلىسى) جەڭىمپاز اتاندى.

قىزدار اراسىندا 30 كەلى سالماق دارەجەسىندە بالجان امانگەلدى ( قىزىلوردا وبلىسى)، 34 كەلىدە رادميرا گەنگ (و ق و)، 40 كەلىدە ايشا كاپپار ( قىزىلوردا وبلىسى)، 46 كەلىدە زينا كىستاۋبايەۆا ( قىزىلوردا وبلىسى)، 52 كەلىدە جانسايا سايدۋللايەۆا (س ق و)، 60 كەلىدە گۇلسەزىم بۋحابايەۆا (اقتوبە)، 65+ كەلىدە ۆيكتوريا كولوبىلينا (س ق و) جەڭىس تۇعىرىنان كورىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى