قىتاي ۇلى جىبەك جولى بويىمەن تەمىرجول سالۋدى باستادى

قازىر قىتايلىق جەمىس-جيدەكتەر ورتالىق ازيا ەلدەرىنە اۆتوجول ارقىلى تاسىمالدانادى. جەتكىزۋ ۋاقىتى ۇزاق ءارى قىمباتقا شىعادى. جالپى جىلدىق ەكسپورت 500 مىڭ توننادان اسپايدى ەكەن. ال تەمىرجول قولدانىسقا بەرىلسە، تاسىمال كولەمىن 30 ەسەگە كوبەيتۋگە بولادى. سوندىقتان قىتاي قازاقستاننىڭ شەكاراسىنا دەيىنگى تەمىرجول جوباسىنا 800 ميلليون دوللار سالۋعا دايىن.

- قازاقستان تاراپى استانادان شاۋەشەككە دەيىن تەمىرجول توسەيتىن بولادى. ەكى ەلدىڭ تەمىرجولى ءبىر-بىرىنە قوسىلعاندا تىنىق مۇحيتى جاعالاۋىنان ەۋروپاعا دەيىن 8 كۇندە جەتۋگە بولادى. سالىستىرمالى تۇردە ايتساق، تەڭىز ارقىلى بۇل جولدى 1,5 اي جۇرەسىز، - دەيدى قىتاي تەمىرجول كورپوراتسياسىنىڭ وكىلى حۋ سينحۋن.

قازاقستان مەن قىتايدىڭ اراسىنداعى بۇل يەن دالانىڭ ءتوسى كەزىندە تىرشىلىگى قايناعان جىبەك جولىنىڭ بويى بولاتىن. كەرۋەننىڭ ماڭ-ماڭ باسقان ىزىمەن ەندى زاماناۋي تەمىرجولدا جۇيرىك پويىزدار جۇيتكىمەك. قىتايلار بۇل كۇرە تامىردىڭ نەگىزگى بولىگىن 2016-جىلدىڭ سوڭىنا دەيىن سالىپ بىتىرەمىز دەپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى