فولكلورلىق «اقمەشىت» ءانسامبلى تارازدا ونەر كورسەتتى - فوتو
بۇل تۋرالى وبلىستىق اكىمدىكتىڭ باسپا ءسوز قىزمەتى حابارلادى.
اتالمىش فەستيۆال تاۋەلسىز مەملەكەتىمىزدىڭ ساياسي- رۋحاني كەلبەتىن ايشىقتى ورنەكتەيتىن ۇلتىمىزدىڭ مادەنيەتى مەن ونەرىن دامىتۋ جولىندا ق ر پرەزيدەنتى ن. ءا. نازاربايەۆتىڭ «نۇرلى جول - بولاشاققا باستار جول» اتتى جولداۋىنا ءۇن قوسىپ، «ماڭگىلىك ەل» ۇلتتىق يدەياسىن ىسكە اسىرۋ، قازاق حاندىعىنىڭ 550 جىلدىعى جانە كونستيتۋتسيانىڭ 20 جىلدىعى، قازاقستان حالقى اسسامبلەياسى جىلى مەرەكەلەرىنە وراي ۇيىمداستىرىلىپ وتىر.
فەستيۆالدىڭ نەگىزگى ماقساتى: ۇلتىمىزدىڭ مۋزىكا ونەرىن حالىققا كەڭىنەن ناسيحاتتاپ، اسىل مۇرانى دارىپتەۋ ارقىلى پاتريوتتىق سەزىمدى قالىپتاستىرۋ، جاس ۇرپاقتىڭ اتا مۇراعا دەگەن قۇرمەتىن ارتتىرۋ، ءداستۇرلى مۋزىكامىزدى شەبەر ورىندايتىن جاس ورىنداۋشىلاردى ايقىنداپ، ونەر الەمىنە جاڭا ەسىمدەر اشىپ حالىققا تانىتۋ، ءداستۇرلى مۋزىكا ارقىلى حالىقتار دوستاستىعىن جانداندىرىپ، باسقا دا وبلىس ونەرپازدارىمەن شىعارماشىلىق بايلانىس ورناتۋ بولىپ تابىلادى.
شارانىڭ اشىلۋ سالتاناتى مەن «ءداستۇرلى كۇي مەرەكەسىندە» جامبىل وبلىستىق فيلارمونياسىنىڭ قازاق ۇلت- اسپاپتار وركەسترى، «الاتاۋ» فولكلورلىق ءانسامبلى، قىزىلوردا وبلىستىق فيلارمونياسىنىڭ «اقمەشىت» فولكلورلىق ءانسامبلى جانە ءداستۇرلى ورىنداۋشى كۇنسۇلۋ تۇرىكپەنوۆا ونەر كورسەتتى.
سونداي- اق كۇي مەرەكەسىنە ن. تىلەنديەۆ اتىنداعى مەملەكەتتىك اكادەميالىق فولكلورلىق- ەتنوگرافيالىق «وتىرار سازى» وركەسترىنىڭ ديريجەرى، قر ەڭبەك سىڭىرگەن ءارتىسى، قۇرمەتتى پروفەسسور جالعاسبەك بەگەندىكوۆ قاتىستى. ءۇشىنشى رەت وتكەن قازاقتىڭ حالىق ونەرىن اسقاقتاتاتىن مەرەكەلىك دۋمان ءداستۇرلى جانە ەسترادا انشىلەرىنىڭ كونتسەرتىمەن ءوز مارەسىنە جەتتى.
