وڭتۇستىك سۋدان حالقى اشارشىلىققا ۇشىرادى

 قازىرگى ۋاقىتتا بۇل اۋداندارعا ازىق- تۇلىك ۇشاقپەن جانە قايىقتارمەن جەتكىزىلۋدە. سوڭعى اقپاراتقا سايكەس، حالىقتىڭ 40 پايىزى ياعني، 4 ميلليون 600 مىڭداي ادام اشتىققا ۇشىرادى. ونىڭ 874 مىڭنان استامى 5 جاسقا تولماعان سابيلەر.

 جاعدايدىڭ ۋشىعۋىنا اسكەري قاقتىعىستار دا سەبەپ بولىپ وتىر. اسىرەسە، ەلدىڭ سولتۇستىگىندەگى ءۇش بىردەي شتاتتىڭ حالقى ايتارلىقتاي زارداپ شەگۋدە. ول جەردەگى تۇرعىندار قاقتىعىسقا بايلانىستى ءوز ۇيلەرىن تاستاۋعا ءماجبۇر بولدى. بوسقىنداردىڭ باسىم بولىگى ەل- ۆاحدا شتاتىنا قاشىپ بارعان. ۇلتتار ۇيىمىنىڭ اقپاراتىنا جۇگىنسەك، وڭتۇستىك سۋداننىڭ جارتى ميلليوننان استام تۇرعىنى گۋمانيتارلىق كومەككە ءزارۋ. اشتىقتان كوزى قاراۋىتقان ادامدار ءتىپتى، جەۋگە بولمايتىن وسىمدىكتەرمەن دە قورەكتەنۋدە.   

  انگەلينا نيابور:  
 
 اسكەري قاقتىعىس سالدارىنان ليرادان كەتۋگە ءماجبۇر بولدىق. ازىق- تۇلىك تاۋسىلعاننان كەيىن حات قالاسىنا بەت الدىق. اشتىقتان زارداپ شەككەن حالىق كوزگە كورىنگەن وسىمدىكتەردى جەي باستادى. قازىر كوپشىلىگى اسقازان اۋرۋىنا شالدىقتى.  
 
 «استانا» ارناسى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى