قازاقستاندا «ەل تۇلعاسى» ۇلتتىق جوباسى باستالدى - فوتو
بۇگىن جوبا ۇيىمداستىرۋشىلارى باسپا ءسوز ءماسليحاتىن وتكىزدى.
العاش رەت «ەل تۇلعاسى» بايقاۋى 2011 -جىلى 22 - جەلتوقساندا باستالدى. ول كەزدە داۋىس بەرۋ 5 اتالىم بويىنشا: قوعامدىق جۇمىس، بيزنەس، ونەر، مادەنيەت، سپورت بويىنشا ءوتتى. بيىل وعان تاعى ەكى اتالىم: جاڭا ەسىم جانە قازاقستان تاريحىنداعى تۇلعا قوسىلدى. ءار اتالىمدا 10 قازاقستاندىق بەلگىلى ازامات باق سىنايتىن بولادى» ، - دەدى «ەxclusivە» مۋلتيمەديالىق پورتالىنىڭ باسشىسى قارلىعاش ەجەنوۆا.
بەلگىلى ءبىر قاتىسۋشىعا ءبىر رەت داۋىس بەرۋگە بولادى. سايتتا جانە 8785 نومىرىنە ۇمىتكەردىڭ كودىمەن بىرگە SMS- حابارلاما جىبەرۋ ارقىلى داۋىس بەرۋگە بولادى.
جوبا ماۋسىم ايىنان باستاپ 2015 -جىلدىڭ قىركۇيەگىنە دەيىنە جالعاسادى. ونىڭ قورىتىندىسى 2015 -جىلدىڭ قازانىندا بەلگىلى بولادى.
ايتا كەتەيىك، 2011 -جىلى وتكىزىلگەن بايقاۋ بارىسىندا 80 مىڭنان اسا ادام داۋىس بەرگەن. داۋىستاردىڭ %63- ى SMS- حابارلاما ارقىلى، %37 ى ينتەرنەت ارقىلى الىندى. حالىقتىق داۋىس بەرۋ جۇرگىزىلگەن 20let.kz سايتىنا 87 ەلدەن، ونىڭ ىشىندە قازاقستان، رەسەي، ۇلىبريتانيا، ۋكراينا، ا ق ش، وزبەكستان، فرانسيا، گەرمانيا، كانادا، وڭتۇستىك كورەيا، تۇركيا جانە تاعى دا باسقا ەلدەردەن 553 22 ادام كىرگەن.
بايقاۋ بارىسىندا ەدىل ەرعوجين، باقىتجان قاناپيانوۆ، مۇرات اۋەزوۆ، نۇرلان سماعۇلوۆ جانە يليا يلين جەڭىمپاز اتاندى. «حالىقتىڭ تاڭداۋى» اتالىمىندا ستسەناريست جانە رەجيسسەر ەرمەك تۇرسىنوۆ جەڭىسكە جەتتى.
