حالىقارالىق «قازاقپارات» اگەنتتىگىنىڭ ۇجىمى مادەنيەت جانە سپورت ءمينيسترىنىڭ قۇرمەت گراموتاسىنا يە بولدى - فوتو
مادەنيەت جانە سپورت مينيسترلىگىنىڭ قۇرمەت گراموتالارى مەن العىس حاتتارىن ۆەدومستۆو باسشىسى ارىستانبەك مۇحامەدي ۇلى تابىستادى. جوعارى باعاعا يە بولعانداردىڭ قاتارىندا «قازاقپارات» ح ا ا» ج ش س باس ديرەكتورىنىڭ ورىنباسارى قالامقاس ءابۋوۆا دا بولعانىن ايتا كەتۋ كەرەك.
مەرەكەلىك شارا تىلدەردى دامىتۋ جانە قوعامدىق- ساياسي جۇمىس كوميتەتى ۇيىمداستىرعان «مەملەكەتتىك ءتىل جانە ب ا ق» رەسپۋبليكالىق بايقاۋىنىڭ جەڭىمپازدارىن ديپلومدارمەن ماراپاتتاۋ راسىمىمەن جالعاستى. بايقاۋ مەملەكەتتىك ءتىل ساياساتىن بۇقارالىق اقپارات قۇرالدارىندا ناسيحاتتاۋ بەلسەندىلىگىن ارتتىرۋ ماقساتىندا وتكىزىلگەن بولاتىن.
جىل سايىن داستۇرگە اينالعان بۇل بايقاۋعا ەلىمىزدىڭ قوعامدىق ومىرىندە مەملەكەتتىك ءتىلدىڭ قىزمەت ەتۋ اياسىن كەڭەيتۋ جانە مارتەبەسىن نىعايتۋ ماقساتىندا قازىرگى مەملەكەتتىك ءتىلدىڭ احۋالى تۋرالى وتكىر دە وزەكتى ماقالالار (باعدارلامالار) جاريالاعان ويى ۇشقىر، قالامى قارىمدى جەكەلەگەن تىلشىلەر مەن مەرزىمدى باسىلىم، تەلەارنا ۇجىمدارى قاتىستى.
2015 - جىلدىڭ 10 - قاڭتارى مەن 10 - ماۋسىم ارالىعىندا وتكەن بايقاۋ بارىسىندا 200 گە جۋىق ماتەريال جيناقتالدى.
بۇگىن جەڭىمپازدار «ۇزدىك ماقالا»، «ۇزدىك تەلەارنا باعدارلاماسى»، «ۇزدىك راديو باعدارلاماسى»، «ۇزدىك سايت ماقالاسى» اتالىمدارى بويىنشا ماراپاتتالدى. «ۇزدىك سايت ماقالاسى» اتالىمىندا «قازاقپارات» حالىقارالىق اقپارات اگەنتتىگىنىڭ ەكى تىلشىسى - ريزابەك نۇسىپبەك پەن جاسۇلان جولدىبايەۆ ىنتالاندىرۋ سىيلىعىنا يە بولسا، وڭىرلىك ءتىلشىسى عايساعالي سەيتاقتىڭ ماقالاسى ءۇشىنشى ورىندى جەڭىپ الدى.
«ۇلت ۇستازى احمەت بايتۇرسىن ۇلى ايتقانداي، حالىقتىڭ كوزى, قۇلاعى ءھام تىلىنە اينالعان ءتورتىنشى بيلىك وكىلدەرى، بۇقارالىق اقپارات قۇرالدارى تىلدىڭ دامۋىنا ايىرىقشا ۇلەستەرىن قوسۋدا. تىلىمىزگە قاتىستى كۇردەلى ماسەلەلەر ب ا ق- تا جاريالانىپ، بيلىككە جەتۋدە. وسىنىڭ ناتيجەسىندە كەيبىر ماسەلەلەر كەزەك كۇتتىرمەستەن، شەشىمىن تاۋىپ كەلەدى، - دەدى ا. مۇحامەدي ۇلى.
- جۋرناليستەردى كەلە جاتقان مەرەكەلەرىمەن قۇتتىقتايمىن! جۋرناليستيكا - شىعارماشىلىق ىزدەنىستى تالاپ ەتەتىن قاستەرلى دە قاسيەتتى سالانىڭ ءبىرى. ءتىل ماسەلەسىن دە، قوعام ومىرىندە بولىپ جاتقان كوكەيكەستى ماسەلەلەردى دە تەرەڭنەن تولعاپ، جازىپ جۇرگەن ويى مەن قيالى ۇشقىر، قالامى جۇيرىك جۋرناليستەرگە شالقار شابىت تىلەيمىن!».
