وبىردى نانوكاپسۋلامەن ەمدەۋ ءادىسى ويلاپ تابىلدى
ارنايى حيميالىق قۇرامى بار ميكروسكوپيالىق نانوكاپسۋلالار كومەگىمەن وبىردى ەمدەۋ ءادىسى توكيو ۋنيۆەرسيتەتىندە سىناقتان وتكىزىلدى.
ونىڭ بارىسىندا قاۋىپتى دەرتتىڭ بەتىن قايتارۋدىڭ بۇل جولى بىرنەشە جىل بويى ءوز تيىمدىلىگىن دالەلدەگەن. ەندى عالىمدار ونى اۋرۋحانالاردا تىكەلەي قولدانىپ كورۋگە بەل بۋدى. زەرتتەۋ كەزىندە وبىر ىسىگى بار تىشقاندارعا ديامەترى شامامەن 55 نانومەتر بولاتىن كاپسۋلالار ەگىلگەن. ال ونىڭ بويىندا اتومدىق سالماعى 64 بولاتىن گادولينيي ەلەمەنتى بار. بۇل كاپسۋلا عالىمدار ويلاپ تاپقان ءادىس ارقىلى تەك وبىر زاقىمداعان جەرلەرگە عانا شوعىرلانادى. وعان باعىتتالعان نەيتروندى ساۋلەلەنۋ ءالسىز عانا رادياتسيا ءبولىپ، تەك وبىر جاسۋشالارىن جويىپ، اعزانىڭ ساۋ جەرلەرىنە كەسىرىن تيگىزبەيدى. عالىمدار بۇل ءادىستى پىشاق تيگىزۋگە بولمايتىن ميدىڭ وبىرعا شالدىعۋى كەزىندە قولدانۋعا ابدەن بولاتىنىن ايتتى، دەپ حابارلايدى ت ا س س.
www.24.kz
