قازاقپارات قىزمەتكەرلەرى «اقپارات سالاسىنىڭ ۇزدىگى» بەلگىسىمەن ماراپاتتالدى - فوتو
«سىزدەر بيلىك پەن حالىقتىڭ اراسىنداعى كوپىر بولىپ ەسەپتەلەسىزدەر. قاراپايىم حالىق سىزدەر ارقىلى وزدەرىنىڭ شەشىلمەي جاتقان ماسەلەلەرىن بيلىككە جەتكىزىپ، شەشەدى.
سىزدەر ەكونوميكامىزدىڭ دامۋىنا ۇلكەن ۇلەس قوساسىزدار. ويتكەنى قازىرگى دامۋ زامانىندا ەڭ قىمبات، ەڭ كەرەك - ول مالىمەت. سىزدەر مەملەكەتكە ونىڭ ىشىندە ۇكىمەتكە تەز، جىلدام كەرەكتى مالىمەتتەردى بەرەسىزدەر. سول سىزدەر بەرگەن مالىمەتتەردى تالداۋ مەن زەرتتەۋدىڭ ناتيجەسىندە بىزدەر ءوزىمىزدىڭ جوسپارىمىزعا وزگەرىستەر ەنگىزىپ، ەلىمىزدىڭ ەكونوميكاسىنىڭ دامۋىنا ۇلەس قوسقىمىز كەلەدى»، - دەدى ب. ساپاربايەۆ.
ۇكىمەت باسشىسىنىڭ ورىنباسارى ءوز سوزىندە ەلىمىزدە «اقپاراتتىق قازاقستان-2020» باعدارلاماسى جۇزەگە اسىرىلىپ جاتقانىن اتاپ ءوتتى. ونىڭ سوزىنە قاراعاندا، وسى باعدارلامانىڭ ارقاسىندا ەلىمىزدەگى اقپاراتتىق جۇيە جاقسى دامىپ كەلەدى.
«بىرىككەن ۇلتتار ۇيىمىنىڭ رەيتينگىنە سايكەس، قازاقستانداعى بايلانىس سالاسىنداعى اقپاراتتىڭ دامۋى الدىڭعى قاتاردا. ونىڭ ىشىندە عالامتوردىڭ، ۇيالى بايلانىستىڭ باعاسى جىلدان جىلعا تومەندەپ كەلەدى. قازىرگى تاڭدا قازاقستان ۇيالى بايلانىس تاريفى بويىنشا الەمدە 17 شى، ال عالامتور بويىنشا 8- ورىندامىز» ، - دەدى ول.
وسىدان كەيىن ب. ساپاربايەۆ اقپارات جانە بايلانىس سالاسىنىڭ قىزمەتكەرلەرىنە «اقپارات سالاسىنىڭ ۇزدىگى» بەلگىسىن تابىس ەتتى. بۇل رەتتە ايتا كەتەرلىگى، شارا بارىسىندا «قازاقپاراتتىڭ» فوتوءتىلشىسى مۇحتار حولدوربەكوۆ، قاراعاندى وبلىسىنداعى ءتىلشىسى ۆالەنتينا ەليزاروۆا جانە ورىس رەداكسياسىنىڭ رەداكتورى جانار مۇحامەدياروۆا ق ر ينۆەستيتسيالار جانە دامۋ ءمينيسترى اسەت يسەكەشيەۆتىڭ قولىنان «اقپارات سالاسىنىڭ ۇزدىگى» بەلگىسىن الدى.
