ق ح ر ساراپشىسى: قازاقستاننىڭ د س ۇ- عا كىرۋى ينۆەستورلار ءۇشىن اسا ماڭىزدى بەلگى بولىپ تابىلادى
بۇل تۋرالى قازاقپارات تىلشىسىنە بەرگەن سۇحباتىندا ق ح ر كوممەرتسيا مينيسترلىگى حالىقارالىق ساۋدا جانە ەكونوميكالىق ىنتىماقتاستىق اكادەمياسىنىڭ ەۋروپا جانە ورتالىق ازيانى زەرتتەۋ ينستيتۋتى ديرەكتورىنىڭ ورىنباسارى ليۋ حۋاتسين ءمالىم ەتتى.
«وسى جەتىستىكتەرىڭىزبەن قۇتتىقتايمىن! قازاقستان دۇنيەجۇزىلىك ساۋدا ۇيىمىنا كىرۋ ءۇشىن ۇزاق جولدى ەڭسەردى. بۇل قازاقستاننىڭ دامۋىنا جانە ونىڭ باسقا ەلدەرمەن، سونىڭ ىشىندە قىتايمەن سىرتقى ەكونوميكالىق بايلانىستارىنا پايداسىن تيگىزەدى دەپ ويلايمىن. ءبىزدىڭ ەلدەرىمىز د س ۇ- نىڭ ورتاق، اشىق ەرەجەلەرىنە سايكەس جۇمىس جاساي الادى. بۇل ەكىجاقتى ساۋدا- ەكونوميكالىق ىنتىماقتاستىقتى دامىتۋعا وڭ ىقپال ەتەدى جانە ينۆەستورلار ءۇشىن اسا ماڭىزدى بەلگى بولىپ تابىلادى» ، - دەدى ول.
ليۋ حۋاتسين اتاپ وتكەندەي، قازاقستاننىڭ د س ۇ- عا مۇشە بولعان قازىرگى شارتتارى (كەدەندىك پروتسەدۋرالار، باج، ت. ب. ) ەلىمىز ءوتىنىم بىلدىرگەن جىلدارمەن سالىستىرعاندا الدەقايدا ءتيىمدى. بۇل قادام وتاندىق ءوندىرىستى دامىتۋعا سەرپىن بەرەدى.
«قىتايدىڭ تاجىريبەسىنە زەر سالاتىن بولساق، ءبىز ق ح ر- دىڭ د س ۇ- عا كىرۋى وتاندىق وندىرۋشىلەرگە زارداپ اكەلەدى دەپ قورىققانبىز. الايدا بۇگىنگى تاڭدا بۇل قادامنىڭ قىتايلىق وندىرۋشىلەردىڭ باسەكەگە قابىلەتتىلىگىن ارتتىرعانىن كورىپ وتىرمىز»، - دەپ اتاپ ءوتتى ساراپشى. ول وسى تۇرعىدا اسپاناستى ەلىنىڭ اۆتوموبيل ونەركاسىبىن مىسالعا كەلتىرىپ كەتتى.
ەسكە سالا كەتەيىك، قىتاي 2001 - جىلى د س ۇ مۇشەسى بولعان ەدى. ءوز ەكونوميكاسىن بىرتىندەپ اشۋعا بەرىلگەن 15 جىلدىق مەرزىم 2015 - جىلدىڭ 1 - شىلدەسىندە اياقتالادى.
