ق ر قورعانىس مينيسترلىگىنىڭ «ۇزدىك جۋرناليست» ماراپاتىنا «قازاقپارات» ءتىلشىسى يە بولدى - فوتو

جەڭىمپازدار مەملەكەتتىك جانە ورىس تىلدەرىندە بەس نوميناتسيا بويىنشا انىقتالدى.

سونىمەن، «باسپا ءسوز باسىلىمدارداعى ۇزدىك جاريالانىم» نوميناتسياسىندا «ەگەمەن قازاقستان» گازەتىنىڭ جۋرناليسى جاعىپار جىلقىباي جانە «ەكىباستۇز جارشىسى» گازەتىنىڭ جۋرناليسى قانات الدابايەۆ جەڭىمپاز اتاندى.

«ۇزدىك تەلەسيۋجەت/تەلەباعدارلاما» نوميناتسياسىندا .kz24  تەلەارناسىنىڭ جۋرناليسى جاسىن بىركەنوۆ پەن «مير» تەلەارناسىنىڭ جۋرناليسى تاتيانا جيگۋنوۆا ماراپاتتالدى.

«ۇزدىك راديوسيۋجەت/راديوباعدارلاما» نوميناتسياسىندا «قازاق راديوسى» جۋرناليسى ءمادينا يشانوۆا مەن «تەنگري» راديوسىنىڭ جۋرناليسى يرينا لەلياۆسكايا جەڭىپ شىقتى.

«ينتەرنەت-باسىلىمدارداعى ۇزدىك جاريالانىم» نوميناتسياسىندا «قازاقپارات» حالىقارالىق اقپاراتتىق اگەنتتىگىنىڭ جۋرناليسى مۇرات جاكەيەۆ پەن  «Тengrinews.kz» ينتەرنەت- پورتالىنىڭ جۋرناليسى باتىر قازىبايەۆ اتاندى.

«ۇزدىك فوتو وچەرك/فوتو رەپورتاج» نوميناتسياسىندا «كازاحستانسكايا پراۆدا» گازەتىنىڭ فوتوتىلشىسى يۋريي بەككەر.

ودان باسقا، ۇسىنىلعان ماتەريالداردى قاراۋ ناتيجەلەرى بويىنشا كوميسسيا بەلسەندى ازاماتتىق قاعيدات ءۇشىن جەكە اتالىمداردى قوسىمشا بەرۋگە شەشىم قابىلدادى.

ق ر قورعانىس ءمينيسترىنىڭ ارنايى ديپلومدارىمەن «ەگەمەن قازاقستان» گازەتىنىڭ جۋرناليسى ەرجۇمان سىمايىل، اقتوبە وبلىستىق الەۋمەتتىك-ساياسي گازەتىنىڭ جۋرناليسى وتەمىس اكىموۆ، «24.kz» تەلەارناسىنىڭ «اسكەر.kz» باعدارلاماسىنىڭ جۋرناليسى دميتري ولەينيكوۆ پەن «قازاقستان» تەلەارناسىنىڭ «اقساۋىت» باعدارلاماسىنىڭ جۋرناليسى ەرنۇر نۇرعاليەۆ تابىس ەتىلدى.

ۇيىمداستىرۋ كوميتەتىنە قازاقستاننىڭ تۇكپىر-تۇكپىرىنەن شامامەن 70 ءوتىنىم كەلىپ ءتۇستى. بايقاۋعا گازەت، راديو جانە تەليەۆيدەنيە، اقپاراتتىق اگەنتتىكتەردىڭ جۋرناليستەرى، سونداي-اق ەكىنشى دۇنيەجۇزىلىك سوعىستىڭ تاريحى، مايدانگەرلەردىڭ، تىل ەڭبەكشىلەرىنىڭ سوعىستان كەيىنگى تاعدىرلارى، ۇ و س ارداگەرلەرىنىڭ قوعامدىق ۇيىمدارى، ۇرىس الاڭىندا قازا بولعانداردى ىزدەۋ تۋرالى ماتەريالداردى جاريالاپ، باسىپ شىعاراتىن شتاتتان تىس اۆتورلار قاتىستى.

68665 اسكەري بولىمىندەگى رەسمي ماراپاتتاۋ راسىمىنەن كەيىن جۋرناليستەر سوعىستان كەيىنگى جىلداردىڭ ناقىشىنا كەلتىرىلگەن داۋىرگە ەندى. تىلشىلەرگە سارباز اسحاناسىندا داستارحان جايىلىپ، ق ر
ق م ورتالىق ءانسامبلى ارتىستەرىنىڭ ونەرى پاش ەتىلدى.

 

 

 

 

 

 

 

 

 

 

 

 

 

 

 

 

 

 

 

 

 

 

 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى