اشا ماتاي تانىمال اكتەردىڭ سۇيىكتىسىنە اينالماق

فيلمنىڭ باستى رولىندەگى «ايجان» ەسىمدى كەيىپكەردى ءانشى اشا ماتاي سومدايدى. ونىڭ ايتۋىنشا، كاستينگ كەزىندە باسەكەلەستەر كوپ بولعان. دەگەنمەن، كوميسسيا ءبىراۋىزدان باستى رولگە اشانى تاڭداپتى.

ءوزىنىڭ «ينستاگرام» پاراقشاسىندا ءانشى «فيلمدەگى ءوز كەيىپكەرىمنىڭ داۋىسىن دىبىستاپ جاتىرمىن، كۇز ايلارىنىڭ بىرىندە تاماشالاي الاسىزدار» دەپ اتاپ وتكەن.

ايتا كەتەيىك، «16 قىز» فيلمىنىڭ سيۋجەتى 32 جاستاعى باۋىرجان (بەرىك ايتجانوۆ) دەگەن جاس جىگىتتىڭ ءومىرى تۋرالى. اتا-اناسى ونى ۇيلەندىرگىسى كەلىپ، قالىڭدىق ىزدەگەنىمەن، باۋىرجان ايجان ەسىمدى قىزبەن وتاۋ قۇرۋدى كوزدەيدى.

ءبىراق، ونىڭ سۇيگەن قىزىن اتا-اناسى وزگە جىگىتكە اتاستىرىپ قويعان. ءداستۇردى بۇزعىسى كەلمەگەن ايجان اكەسىنىڭ ءسوزىن جەرگە تاستاماي ءوزى سۇيمەيتىن جىگىتكە كۇيەۋگە شىعۋعا بەل بۋادى.

«فيلمدى ءتۇسىرۋ تۋرالى يدەيا ءتورت جىل بۇرىن «دوس-مۇقاسان» توبى ورىندايتىن «16 قىز» حالىق ءانىن تىڭداپ وتىرعاندا كەلدى. سودان بەرى قاناعات پەن ونىمەن بىرلەسكەن اۆتورلار ءتۇرلى نۇسقادا جازىلعان سەگىز سەناري جازىپ شىقتى»، - دەيدى كارتينا پروديۋسەرى ايدارحان ادىلبەكوۆ.

ايتا كەتەيىك، «16 قىز» فيلمىنىڭ ءتۇسىرىلىم جۇمىستارى باياناۋىلدا (پاۆلودار وبلىسى)، شاكەن ايمانوۆتىڭ تۋعان جەرىندە، سونىمەن قاتار، استانا، قاراعاندى، تالدىقورعان قالالارىندا ءتۇسىرىلدى. ال، سوڭعى ءتۇسىرىلىم الماتى قالاسىندا وتكەن.

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى