ا ق ش تۇرمەسىنەن قاشقاندارعا تەمىر اراسى تاماقپەن جەتكەن

بۇل تۋرالى CNN تەلەارناسى حابارلادى.

وكرۋگتىك پروكۋرور ەندريۋ ۋايليدىڭ مالىمدەۋىنشە، تۇرمە قىزمەتكەرى د. ميتچەلل قوس قىلمىسكەرگە ارناپ تەمىر كەسەتىن ارانى قاتىرىلعان گامبۋرگەر ەتىنە جاسىرىپ الىپ وتكەن. ال مۇزداتىلعان ەت ونىڭ جۇمىس بولمەسىندەگى توڭازىتقىشىندا ساقتالىپ كەلگەن.

وسى ورايدا پروكۋرور قاشقىنداردىڭ ءىز جاسىرۋىنا قاتىسى بار تۇرمەنىڭ تاعى ءبىر قىزمەتكەرىن اتادى. گەن پالمەر ەسىمدى باقىلاۋ وفيتسەرى توڭازىتقىشتاعى ەتتى قوس قىلمىسكەر دەۆيد سۆيت پەن ريچارد مەتكە تابىستاعان.

الايدا دجويس ميتچەلل «ول ەتتىڭ ىشىندە تەمىر كەسەتىن قۇرال بولعانىن بىلمەيمىن» دەپ جاۋاپ بەرگەن.

ەستەرىڭىزگە سالساق، كلينتون تۇرمەسىندە ءومىر بويىنا جازاسىن وتەۋشىلەر 34 جاستاعى دەۆيد سۆيت پەن 48 جاستاعى ريچارد مەت 6 -ماۋسىم كۇنى تەمىر اراسىمەن قۇبىردى كەسىپ، اباقتىدان قاشىپ كەتكەن ەدى. ولاردى ىزدەستىرۋ شاراسى ءالى ناتيجە بەرگەن جوق.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى