استانادا قازاقستانداعى تۇڭعىش بالالار فيلارمونياسى اشىلادى

جاس ارتىستەر ميۋزيكلدار مەن وپەرالار قويىلىمدارىنا قاتىسۋ مۇمكىندىگىنە يە بولماق، دەپ حابارلانعان astana.kz.

كاستينگ ءساۋىر ايىندا وتكىزىلىپ، تىڭداۋعا 7-12 جاس ارالىعىنداعى بالالار كەلدى.

بالالار فيلارمونياسىنىڭ كوركەمدىك جەتەكشىلەرى جاس ارتىستەر مەن كورەرمەندەردى كلاسسيكالىق مۋزىكامەن تانىستىرۋدى، كورەرمەندەردى تەاتر ونەرىنە تارتۋدى باستى ماقسات ەتىپ وتىر. رەپەرتۋاردا قازاق جانە ورىس تىلىندەگى شىعارمالار بولادى. بالالار فيلارمونياسىنىڭ العاشقى قويىلىمى قازاقستاندىق اۆتور جولان داستەنوۆتىڭ «قاڭباق شال» وپەراسى جانە ۆ. داشكيەۆيچتىڭ «پەپپي» ميۋزيكلى بولماق.

- دارىنسىز بالا جوق، قولىنا مۋزىكالىق اسپاپ العان بالالاردىڭ ءارقايسىسى مۋزىكانىڭ قۇدىرەتىن تۇسىنەدى. كىم ءبىلسىن، بالالار فيلارمونياسىنىڭ ساحناداعى العاشقى قادامدارى ومىرلىك ۇلكەن جەتىستىكتەردىڭ باستاماسى بولار. بالالار فيلارمونياسى بالالارىمىزدىڭ ءومىرىنىڭ ادەمى كەزەڭى بولماق، - دەدى استانا قالاسى اكىمدىگى مەملەكەتتىك فيلارمونياسىنىڭ كوركەمدىك جەتەكشىسى ءارى باس ديرەكتورى س. ءابدىراحمانوۆ.

كورەرمەندەر 2015 -جىلدىڭ 1 -قىركۇيەگىندە جاس ارتىستەردىڭ ونەرىن كونگرەسس-حولل ساحناسىندا تاماشالايتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى