نازاربايەۆ جاسوسپىرىمدەردىڭ ومىرىنە الاڭداۋشىلىق ءبىلدىردى
بۇل تۋرالى پرەمەر-ءمينيستردىڭ سايتىندا حابارلانعان.
«مەملەكەت باسشىسى جاسوسپىرىمدەر اراسىنداعى وزىنە ءوزى قول جۇمساۋدىڭ جانە بالالارعا قاتىستى سەكسۋالدى سيپاتتاعى قىلمىستاردىڭ الدىن الۋ بويىنشا سايكەس شارالار قابىلداۋدى تاپسىردى. سوندىقتان، بىزگە وسى باعىتتاعى جۇمىستى قايتا قاراپ، جانداندىرۋ قاجەت»، - دەدى ساپاربايەۆ.
اتالعان سالانىڭ نەگىزگى پروبلەمالارىنىڭ ىشىندە ۆيتسە-پرەمەر مەملەكەتتىك ورگانداردىڭ ۇيلەسىمدى جۇيەلى جۇمىسىنىڭ جوقتىعىن، مەكتەپ باسشىلىعىنىڭ، اتا-انالار كوميتەتىنىڭ جانە كامەلەتكە تولماعانداردىڭ ىستەرى جونىندەگى بولىمدەردىڭ ءوزارا ءىس-قيمىلى دەڭگەيىنىڭ تومەندىگىن، كامەلەتكە تولماعاندار مەن جاستاردى دەنە شىنىقتىرۋمەن جانە سپورتپەن اينالىسۋعا تارتۋدىڭ تومەن دەڭگەيىن اتاپ ءوتتى.
«تالداۋ كورسەتكەندەي، قايعىلى وقيعالاردىڭ ورىن الۋىنىڭ ءبىر سەبەبى اتا-انالار تاراپىنان بالالارعا دۇرىستاپ قاراي الماۋ بولىپ تابىلادى. سوندىقتان، ەرەسەكتەر ءوز بالالارىنا بارىنشا كوڭىل بولگەندەرى ءجون»، - دەپ باسا ايتتى ۇكىمەت باسشىسىنىڭ ورىنباسارى.
تالقىلاۋ قورىتىندىسى بويىنشا ۆيتسە-پرەمەر مەملەكەتتىك جانە جەرگىلىكتى اتقارۋشى ورگاندارعا ءبىرقاتار تاپسىرمالار بەردى.
اتاپ ايتقاندا، دەنساۋلىق ساقتاۋ مينيسترلىگىنە 2015-2020 - جىلدارعا ارنالعان كامەلەتكە تولماعاندار مەن جاستار اراسىندا وزىنە ءوزى قول جۇمساۋدىڭ الدىن الۋدىڭ قوسىمشا ۇيىمداستىرۋ جانە تاجىريبەلىك شارالار كەشىنىن جاساۋى، ءبىلىم جانە عىلىم مينيسترلىگىنە ءى ءى م- مەن بىرگە وزىنە ءوزى قول جۇمساۋ ارەكەتى قاۋپى بار كامەلەتكە تولماعاندارعا كومەك كورسەتۋ الگوريتمىن جاساپ، بەكىتۋى ءتيىس.
ءى ءى م سەكسۋالدى- زورلاۋ ءىس-ارەكەتى ءۇشىن سوتتالعان تۇلعالارعا قاتىستى مەديتسينالىق سيپاتتاعى ماجبۇرلەۋ شارالارىن ەنگىزۋ، سونداي-اق قوعامدى ولاردىڭ تۇراتىن جەرى تۋرالى اقپاراتتاندىرۋ مۇمكىندىگىمەن جالپىۇلتتىق سەكسۋالدى قىلمىسكەرلەردىڭ مالىمەتتەر بازاسىن قۇرۋ بويىنشا ۇسىنىستار جاساۋى ءتيىس.
ي د م- گە قاتىگەزدىك، زورلىق- زومبىلىق جانە كامەلەتكە تولماعانداردىڭ پسيحيكالىق- ەموتسيالىق جاعدايىنا اسەر ەتەتىن باسقا دا جاعىمسىز ءىس- ارەكەتتەردى ناسيحاتتايتىن سايتتاردى مونيتورينگىلەۋدى قامتاماسىز ەتۋ، سونداي- اق ينتەرنەتتەگى قۇقىققا قايشى كونتەنتتىڭ تارالۋىنىڭ الدىن كەسۋ بويىنشا جۇمىستى كۇشەيتۋ تاپسىرىلدى.
وبلىستاردىڭ، استانا جانە الماتى قالالارىنىڭ اكىمدىكتەرى مەكتەپتەردى پسيحولوگتارمەن، الەۋمەتتىك پەداگوگتارمەن، مەديتسينالىق قىزمەتكەرلەرمەن جانە مەكتەپ ينسپەكتورلارىمەن تولىعىمەن قامتىلۋى ءتيىس.
Nur.kz
