قازاقستاننىڭ ماشيناجاساۋشىلار وداعى ەلدىڭ د س ۇ-ىنا كىرۋىنە ازىرلىك جاسادى - فوتو
ونىڭ بارىسىندا ۇيىمنىڭ ىشكى ەرەجەلەرىنە تۇزەتۋلەر ەنگىزىلدى.
قازاقستاننىڭ ماشيناجاساۋشىلار وداعى قىزمەتىنە تۇزەتۋلەر ەنگىزۋ قاجەتتىلىگىنە ق ر زاڭناماسىنداعى وزگەرىستەر مەن قازاقستاننىڭ دۇنيەجۇزىلىك ساۋدا ۇيىمىنا كىرۋى سەبەپ بولدى، سەبەبى وسىنىڭ بارلىعى ماشيناجاساۋ كاسىپورىندارى ءۇشىن جاڭا مۇمكىندىكتەر تۋدىرىپ، تىڭ ارەكەتتەرگە ۇندەپ وتىر.
«شارا «قر ۇلتتىق كاسىپكەرلەر پالاتاسى» تۋرالى زاڭىنا سايكەس ماشيناجاساۋ سالاسىنىڭ فۋنكتسيالارى ەندى ودان قازاقستاننىڭ ماشيناجاساۋشىلار وداعىنا تاپسىرىلۋىنا بايلانىستى وتكىزىلىپ وتىر. بۇگىندە ءبىزدىڭ ماقساتىمىز - ءىرى- شاعىن كاسىپورىندار قامتىلعان بۇكىل ماشيناجاساۋ سالاسىن، قازاقستاننىڭ بۇكىل بيزنەس قاۋىمداستىعىن نىعايتۋ ءۇشىن ەرەجەلەرىمىزگە وزگەرىستەر ەنگىزۋ. بۇگىندە بىزدە 1500-نان استام كاسىپورىن بار، سونىڭ ىشىندە 30 پايىزى - شاعىن جانە ورتا بيزنەس سالاسى. ءبىزدىڭ مىندەتىمىز - ءىرى ماشيناجاساۋ كاسىپورىندارىنىڭ اينالاسىندا شاعىن جانە ورتا بيزنەستى دامىتۋ جانە قولداۋ مۇمكىندىگىن تۋدىرۋ»، - دەدى قازاقستاننىڭ ماشيناجاساۋشىلار وداعى باسقارماسىنىڭ ءتوراعاسى مەيرام پىشەمبايەۆ.
قازاقستاننىڭ ماشيناجاساۋشىلار وداعى قاتىسۋشىلارىنىڭ جالپى جينالىسىنىڭ بارىسىندا ۇيىم جارعىسىنداعى قوسىمشالار مەن وزگەرىستەر قاراستىرىلىپ، ۇيلەستىرۋ جانە باقىلاۋ كەڭەستەرىنىڭ، باسقارما جانە ريەۆيزيالىق كوميسسيانىڭ قۇرامى انىقتالدى.
