حالىقارالىق تۇركى اكادەمياسى ءبىرقاتار ب ا ق باسشىلارىن ماراپاتتادى
ونىڭ بارىسىندا اكادەميانىڭ اتقارعان جۇمىستارىنا قولداۋ كورسەتكەن، تۇركى الەمىنىڭ اقپارات كەڭىستىگىنە ەڭبەگى سىڭگەن ءبىرقاتار ب ا ق باسشىلارىن ماراپاتتالدى.
«تۇركى دۇنيەسىنىڭ ءبىلىم، عىلىم سالاسىنداعى جەتىستىكتەرىن ناسيحاتتاۋعا جانە ءتۇبى ءبىر تۋىس حالىقتار اراسىنداعى ىنتاماقتاستىقتى دامىتۋعا قوسقان زور ۇلەسى ءۇشىن ماراپاتتادىق»، - دەدى حالىقارالىق تۇركى اكادەمياسىنىڭ پرەزيدەنتى دارحان قىدىرالى.
اتاپ ايتقاندا، اكادەميانىڭ العىس حاتى «ەگەمەن قازاقستان» رەسپۋبليكالىق گازەتى» ا ق پرەزيدەنتى ساۋىتبەك ابراحمانوۆقا، «قازاقستان» ر ت ر ك» ا ق باسقارما ءتورايىمى نۇرجان مۇحامەدجانوۆاعا، «قازكونتەنت» ا ق باسقارما ءتوراعاسى ايدوس قىدىرماعا تابىستالدى.
مۇنىمەن قوسا، حالىقارالىق تۇركى اكادەمياسىنىڭ قۇرمەت گراموتاسىمەن ل. ن. گۋميليەۆ اتىنداعى ە ۇ ۋ- نىڭ باسپا ءسوز جانە باسپا ءىسى كافەدراسىنىڭ مەڭگەرۋشىسى، پروفەسسور نامازالى وماشيەۆ ماراپاتتالدى. سونىمەن بىرگە دارحان قىدىرالى بۇگىنگى ماراپاتتالعانداردىڭ بارلىعىنا اكادەمياعا مۇشەلىگىن بىلدىرەتىن توسبەلگىلەردى تابىستادى.
«وزدەرىڭىزگە ءمالىم، قازاقستان پرەزيدەنتى بۇگىندە تۇركى الەمىندەگى ينتەگراتسيالىق قۇرىلىمداردىڭ بارلىعىنىڭ ۇيىتقىسى، باستاماشىسى. بىلتىرعى تۇركى كەڭەسىنىڭ سامميتىندە ەلباسى تۇركى الەمىنىڭ ورتاق اقپاراتتىق كەڭىستىگىن قالىپتاستىرۋ جانە ورتاق تەلەارنا قۇرۋ جونىندە باستاما كوتەرگەن بولاتىن. وسى ورايدا جۋرناليستەردىڭ كاسىبي مەرەكەسىنە سايكەس، ورتاق تەلەارنانىڭ فورماتى، سونداي-اق اقپاراتتىق كەڭىستىكتىڭ جاعدايى تۋرالى پىكىر الماسۋ ءۇشىن ەلىمىزدىڭ بەلدى ءارى بەدەلدى ب ا ق باسشىلارىن شاقىردىق»، - دەدى اكادەميا پرەزيدەنتى.
ايتا كەتەيىك، بيىل استانادا وتەتىن تۇركى كەڭەسىن قۇرۋشى ەلدەردىڭ سامميتىندە اتالعان ماسەلە قاراستىرىلادى دەپ كۇتىلۋدە. بۇل تۇرعىدا دوڭگەلەك ۇستەلدە ايتىلعان ۇسىنىستار مەن پىكىرلەردى اكادەميا جيناقتاپ، تۇركى كەڭەسىنىڭ نازارىنا ۇسىنباق.
ءوز كەزەگىندە «ەگەمەن قازاقستان» رەسپۋبليكالىق گازەتى» ا ق پرەزيدەنتى ساۋىتبەك ابراحمانوۆ تۇركى دۇنيەسىنىڭ تۇتاستىعى قاي كەزدە دە كوكەيكەستى ەكەنىن اتاپ ءوتتى.
«تۇركى الەمى تۇتاستىعىنىڭ ۇلكەن ءبىر تەتىگى - ول ءبىرتۇتاس ورتاق اقپاراتتىق كەڭىستىك. ەگەر ءبىزدىڭ حالىقتارىمىز ءبىر-ءبىرىنىڭ تىنىس-تىرشىلىگىنەن جاقسى حاباردار بولىپ وتىرسا، ولاردىڭ باۋىرمالدىعى ارتا تۇسەدى. سونىمەن قاتار ءبىر-بىرىنە بارىس-كەلىسى كوبەيسە، تۋىسقاندىعىمىز ارتادى»، - دەدى ول.
اۆتور: رۋسلان عابباسوۆ
