مەملەكەتتىك حاتشى گۇلشارا ءابدىقالىقوۆا ا ق ش ەلشىسىن قابىلدادى- فوتو
جۇزدەسۋ بارىسىندا مەملەكەتتىك حاتشى ا ق ش ەلشىسىن تاعايىندالۋىمەن قۇتتىقتاپ، جاڭا لاۋازىمى ەكى ەل اراسىنداعى جان- جاقتى ءارى جەمىستى ىنتىماقتاستىقتى ودان ءارى نىعايتۋعا مۇمكىندىك تۋعىزاتىنىنا سەنىم ءبىلدىردى. سونىمەن قاتار گ. ءابدىقالىقوۆا ەلباسى باستاماسىمەن قازاقستاندا 5 ينستيتۋتتىق رەفورمانى جۇرگىزۋ، «100 ناقتى قادام» ۇلت جوسپارىن ىسكە اسىرۋ جۇمىستارىنىڭ باستالعانىن اتاپ ءوتتى. قولعا الىنعان ءىس- شارالار ەلىمىزدىڭ ساياسي جۇيەسىن جاڭعىرتۋدى جانە ەكونوميكامىزدىڭ ورنىقتى ءوسۋىن قامتاماسىز ەتەتىن بولادى.
«ءبىز امەريكا قۇراما شتاتتارىمەن ءوزارا قارىم- قاتىناسىمىزدى وتە جوعارى باعالايمىز. قازىرگى ۋاقىتتا امەريكاندىق تاراپتان قازاقستان ەكونوميكاسىنا 21 ميلليارد دوللاردان استام ينۆەستيتسيا سالىنىپ وتىر. امەريكاندىق كومپانيالار وكىلدەرىنىڭ قاتىسۋمەن 480 نەن استام كاسىپورىن جۇمىس ىستەۋدە. مەنىڭشە، «نۇرلى جول» باعدارلاماسىنىڭ جۇزەگە اسىرىلۋىنا بايلانىستى ەكونوميكا، ساۋدا، ءوزارا قارىم- قاتىناس سالالارىنداعى بايلانىستار ودان ارى كۇشەيە تۇسەتىن بولادى»، - دەدى گ. ءابدىقالىقوۆا.
مەملەكەتتىك حاتشى ءوز سوزىندە بۇگىندە ا ق ش- تىڭ جوعارى وقۋ ورىندارىندا 1800 دەن استام قازاقستاندىق جاستىڭ «بولاشاق» باعدارلاماسى اياسىندا ءبىلىم الىپ جاتقانىن اتاپ ءوتتى.
«بۇل ءبىزدىڭ مۇددەمىزگە ساي كەلەدى. ويتكەنى، قازاقستان جاھاندىق ەكونوميكادا جەتەكشى رولگە يە ءارى د س ۇ- عا مۇشە بولۋعا ءتيىس. ءبىز قازاقستاننىڭ د س ۇ- عا كىرۋىن قولدادىق، الداعى ۋاقىتتا دا قولداي بەرەتىن بولامىز. اتالعان جاڭالىقتى جىلى قابىلدادىق. مەنىڭشە، بۇل جاھاندىق ەكونوميكانىڭ ودان ارى تۇراقتانۋى ءۇشىن ماڭىزدى قادام بولماق. ويتكەنى، قازاقستان وڭىردەگى ءىرى ەكونوميكالاردىڭ ءبىرى ءارى د س ۇ- دا ءوز ورنىن الۋى قاجەت»، - دەدى دجوردج البەرت كرول.
تاراپتار ق ر پرەزيدەنتى ن. نازاربايەۆتىڭ 2010 - جىلى ا ق ش- قا جاساعان ساپارى بارىسىندا قول قويىلعان ق ر- ا ق ش عىلىمي تەحنيكالىق ىنتىماقتاستىعى تۋرالى كەلىسىمنىڭ نەگىزىندە ءبىلىم جانە عىلىم سالاسىنداعى بايلانىستى نىعايتۋعا مۇددەلىلىك تانىتتى. كەزدەسۋ سوڭىندا قازاقستان مەن ا ق ش اراسىنداعى ءوزارا ءىس- قيمىلدىڭ ستراتەگيالىق سەرىكتەستىك رۋحىنا تولىق ساي كەلەتىندىگى اتالىپ ءوتىلدى.
