تۇركيا استاناسىندا «قازاقستان كۇندەرى» ءوتتى - فوتو
دەپ جازادى khabar.kz.
جيىلعان جۇرتشىلىق شارا اياسىندا ارنايى ۇيىمداستىرىلعان كورمەنى تاماشالاپ، قازاق حالقىنىڭ سالت- ءداستۇرى مەن ۇلتتىق ونەرىن جاقىننان تانۋىنا كەڭ مۇمكىندىك الدى.
تۇرىك ەلىنىڭ باس شاھارى انكارانىڭ كەلبەتى «قازاقستان كۇندەرى» مادەني شاراسىمەن ساندەنىپ، كوز تويماستاي اجارلاندى. تۇنگى قالا قازاق اۋەنىمەن تەربەلدى. قازاقستاننىڭ تۇركياداعى ەلشىلىگىنىڭ ۇيىمداستىرۋىمەن وتكەن سالتاناتتى شارادا الماتى وبلىسىنىڭ ونەرپازدارى ءسۇيىنباي ارون ۇلىنىڭ 200 جىلدىق مەرەيلى مەرەكەسىنە ارناپ، كونسەرتتىك باعدارلاما قويدى. اسىرەسە انكارانىڭ تالعامپاز ونەرسۇيەر قاۋىمى جەتىسۋلىق «ءسۇيىنباي سازى» فولكلورلىق- ەتنوگرافيالىق ءانسامبلىنىڭ حالىق اندەرىنەن تۇراتىن توپتاماسى مەن كلاسسيكالىق شىعارمالارىنا ەرەكشە قوشەمەت ءبىلدىردى.
سونداي- اق مەرەكەلىك شارا اياسىندا كەچيورەن اۋدانىنىڭ ورتالىق الاڭىنا كيىز ءۇي تىگىلدى. وندا قولونەر بۇيىمدارى مەن قازاق حالقىنىڭ ۇلتتىق كيىم ۇلگىلەرى ەل- جۇرتتىڭ نازارىنا ۇسىنىلدى. كورمەدە ەلشىلىكتىڭ تۇرىك تىلىنە اۋدارعان قازاقتىڭ اقىن- جازۋشىلارىنىڭ ەڭبەكتەرى مەن ەلباسىنىڭ كىتاپتارى دا قويىلدى.
جيىلعان كوپشىلىك قازاق- تۇرىك ىنتىماقتاستىعى ءۇشىن وسىنداي مادەني شارالاردىڭ ماڭىزدىلىعى جوعارى ەكەندىگىن اتاپ ءوتتى. ءوز كەزەگىندە الماتى وبلىسىنىڭ اكىمى اماندىق باتالوۆ انكارالىقتاردى جەتىسۋ ءوڭىرىنىڭ سۇلۋ تابيعاتىن تاماشالاپ، تۋريستىك جەرلەردى شارلاپ قايتۋعا شاقىردى.
