حالىقارالىق عىلىمي- تەحنيكالىق ورتالىقتىڭ باس پاتەرى استانادا ورنالاساتىن بولدى

بۇگىن استانادا حالىقارالىق عىلىمي- تەحنيكالىق ورتالىقتىڭ قىزمەتىن جالعاستىرۋ تۋرالى كەلىسىمگە الدىن الا قول قويۋ ءراسىمى ءوتىپ، اتالعان ورتالىقتىڭ باس كەڭسەسىنىڭ قازاقستاندا ورنالاساتىندىعى رەسمي تۇردە جاريالاندى. ونىڭ كەڭسەسى نازاربايەۆ ۋنيۆەرسيتەتىنىڭ عىلىمي پاركىنەن ورىن تەبەتىن بولادى.

 ح ع ت و باسقارما كەڭەسىنىڭ ءتوراعاسى رونالد لەماننىڭ ايتۋىنشا، 2011 - جىلى رەسەي اتالمىش ورتالىققا مۇشەلىك ەتۋدەن شىققان بولاتىن. سول سەبەپتى ورتالىقتىڭ باس پاتەرى ول ەلدەن كەتۋگە ءماجبۇر بولدى. دەگەنمەن قازاقستان بۇل ورتالىقتى ءوز جەرىندە ورنالاستىرۋعا ۇسىنىس تاستادى. حالىقارالىق عىلىمي- تەحنيكالىق ورتالىق 1995 - جىلدان بەرى جۇرگىزگەن قىزمەتى اياسىندا قازاقستانعا 66 ميلليون، ال جالپى ت م د ەلدەرىنە 1 ميلليارد ا ق ش دوللارىنان استام قاراجات بولگەن.

 قازاقستاننىڭ بارلىق نەگىزگى عىلىمي- زەرتتەۋ ينستيتۋتتارى ورتالىقتىڭ جوبالارىنا قاتىسادى. سول ارقىلى بۇگىندە ولار ورتالىق ازيا، كاۆكاز، كانادا، ەۋروپالىق وداق، جاپونيا جانە ا ق ش- تاعى ارىپتەستەرىمەن مىقتى بايلانىس ورناتقان. زەرتتەۋلەر جوعارى دەڭگەيدە وتكىزىلەتىندىكتەن، عىلىمي زەرتتەۋلەردى نارىقتىق دەڭگەيگە شىعارۋعا مۇمكىندىك مول. 2014 - جىلى جوبالارعا جالپى قۇنى 6 ميلليون ا ق ش دوللارىنان اسا قارجى اۋدارىلعان.

 ت م د- نىڭ 7 مەملەكەتىندە قىزمەت جۇرگىزىپ وتىرعان ۇيىم ەرتەڭنەن باستاپ قىزۋ قىزمەتكە كوشۋدى جوسپارلاپ وتىر. قازاق عالىمدارى ۇسىنعان جالپى قۇنى 520 مىڭ دوللار بولاتىن ەكى جوبا قارالاتىن بولادى.

حالىقارالىق عىلىمي- تەحنيكالىق ورتالىق ت م د ەلدەرىنىڭ قارۋ جاساۋعا قاتىسى بار عالىمدارى مەن ماماندارىنا بەيبىت ماقساتتاعى ءىس- قىزمەتكە بەت بۇرۋعا مۇمكىندىك بەرەتىن قارۋ تاراتپاۋ سالاسىنداعى باعدارلاما رەتىندە 1992 - جىلى قۇرىلعان بولاتىن.

 حالىقتى جاپپاي قىرىپ- جويۋعا باعىتتالعان قارۋ شىعارۋعا قاتىستى تەحنولوگيالاردىڭ تارالۋىنا جول بەرمەۋ ماقساتىمەن جاپونيا، رەسەي، ا ق ش جانە ەۋروپالىق وداق ۇكىمەتتەرى حالىقارالىق عىلىمي- تەحنيكالىق ورتالىقتى اشۋعا ۇيعارىپ، «قىرعيقاباق سوعىس» اياقتالعاننان كەيىن سالانىڭ جوعارى بىلىكتى ماماندارىنا جاڭاشا احۋالعا بەيىمدەلۋگە تۇرتكى بولۋدى كوزدەگەن ەدى. باستى قىزمەتى - ت م د ەلدەرىندەگى عىلىمي- زەرتتەۋ جوبالارىن قارجىلاندىرۋ. سونىڭ ارقاسىندا ت م د ەلدەرىنىڭ الەۋەتىن دەنساۋلىق ساقتاۋ سالاسى، بيوتەحنولوگيا، اۋىل شارۋاشىلىعى، ەنەرگەتيكا جانە جاھاندىق قاۋىپسىزدىك سالالارىنداعى عىلىمي- تەحنيكالىق شەشىمدەردى قۇرۋعا باعىتتاۋعا ءوز ۇلەسىن قوسىپ كەلەدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى