دەپۋتات پەن مينيستر اراسىنداعى داۋعا بايلانىستى فيلولوگيالىق ساراپتاما ەنگىزىلدى - ءى ءى م
بۇل تۋرالى بۇگىن تىلشىلەرگە بەرگەن سۇحباتىندا ق ر ىشكى ىستەر ءمينيسترى قالمۇحانبەت قاسىموۆ ءمالىم ەتتى.
«بىزدە قىلمىستىق ىس قوزعالدى. ولاردان جاۋاپ الىندى. ءبىز قازىر فيلولوگيالىق سوت ساراپتاماسىن ەنگىزدىك، ونىڭ ناتيجەسىندە تيىستى شەشىم قابىلدايمىز»، - دەدى مينيستر.
ەستەرىڭىزگە سالا كەتسەك، 27 -مامىر كۇنى پارلامەنت ءماجىلىسىنىڭ جالپى وتىرىسىندا ازات پەرۋاشيەۆ جوعارى وقۋ ورىندارى مەن تەحنيكالىق- كاسىپتىك بىلىم بەرۋ ۇيىمدارىنىڭ اككرەديتاتسياعا وتۋگە قاتىستى ءبىلىم جانە عىلىم مينيسترلىگىنىڭ قىزمەتىن سىنعا العان بولاتىن. دەپۋتات ول كەزدە، «زاڭداردى وزگەرتە بەرگەنشە، ءمينيستردى اۋىستىرعان جەڭىلىرەك بولادى» دەگەن ەدى.
كەيىن، مينيستر اسلان ءسارىنجىپوۆ ب ا ق وكىلدەرىنە سۇحبات بەرىپ، پەرۋاشەۆتىڭ جەكە جوعارى وقۋ ورىندارىنىڭ مۇددەسىن قورعاپ جاتقانىن ايتقان. بۇعان نارازى بولعان دەپۋتات ءماجىلىس سپيكەرىنەن باس پروكۋراتۋراعا شاعىم ءتۇسىرۋىن سۇرادى.
اۆتور: جاسۇلان جولدىبايەۆ
