حالىق ءارتىسى ەسكەندىر حاسانعاليەۆ ەلىنە كەلدى - فوتو
كەزدەسۋ بارىسىندا ءوڭىر باسشىسى ەسكەندىر حاسانعاليەۆتى مەرەيلى 75 جاسىمەن قۇتتىقتاپ، وسىعان وراي ارنايى دايىندالعان «تۋعان جەر - ءانىم» شىعارماشىلىق كەشىنىڭ ءساتتى وتۋىنە تىلەكتەستىگىن ءبىلدىردى.
ەلگە جارى داريكو، ۇلى، ءانشى- كومپوزيتور ءبىرجان حاسانعاليەۆ جانە جيەن نەمەرەسى، كانادانىڭ تورونتو قالاسىنداعى كينورەجيسسەرلەر دايىندايتىن جوعارى وقۋ ورنىنىڭ ستۋدەنتى ءامىر امەنوۆپەن بىرگە كەلگەن ەسكەندىر حاسانعاليەۆ وسىعان دەيىن مەرەيتويلىق كونسەرتى استانا مەن الماتىدا تابىستى وتكەنىن، اتالمىش ساپار سونىڭ جالعاسى ىسپەتتەس ەكەندىگىن، اق جايىققا ارنايى شاقىرعانى ءۇشىن وبلىس باسشىلىعىنا ريزاشىلىعىن جەتكىزدى.
ايتا كەتەيىك، ەسكەندىر حاسانعاليەۆتىڭ شىعارماشىلىق كەشى بۇگىن وبلىستىق قازاق دراما تەاترىندا وتسە، ەرتەڭ تۋعان جەرى قاراتوبە اۋدانىندا جالعاسادى.
اۆتور: ەلجان ەرالى
