الماتى وبلىسىندا جالعان اقشا جاسايتىن استىرتىن سەح اشكەرەلەندى - فوتو

اتالعان سەحتا نومينالى 2 مىڭ تەڭگە بولاتىن اقشا باسىلىپ كەلگەن.

«1994-جىلى تۋىلعان ق ر ازاماتى، 1992 جانە 1994-جىلى تۋىلعان وزبەكستان ازاماتتارى الماتى جانە الماتى وبلىسى ايماعىندا 3 اي بويى استىرتىن اقشا باسىپ، ونى اينالىمعا تۇسىرۋمەن اينالىسىپ كەلگەن. تەكسەرۋ بارىسىندا جالپى سوماسى 450 مىڭ تەڭگە بولاتىن 2 مىڭ تەڭگەلىك 225 كۋپيۋرا، اقشانىڭ فورماتى سىزىلعان ا- 4 ءپىشىندى 11 قاعاز، «HP» جانە «Canon» ماركالى 2 كوپ فۋنكتسيونالدى قۇرىلعى تابىلدى»، - دەدى وبلىستىق مەملەكەتتىك كىرىس دەپارتامەنتى ەكونوميكالىق تەرگەۋ قىزمەتىنىڭ باسقارما باسشىسى داۋلەت اقىلبەكوۆ.

قازىر ۇستالعان ازاماتتارعا قارسى قىلمىستىق ءىس قوزعالدى. تەرگەۋ امالدارى جالعاسىپ جاتىر. جەرگىلىكتى قۇقىق قورعاۋ ورگاندارىنا ايماقتا اينالىستا جۇرگەن جالعان اقشالاردى انىقتاۋ تاپسىرىلدى.

ماماننىڭ ايتۋىنشا، جالعان اقشا كوبىنە ۇساق ساۋدا ورىندارىندا، جانارماي قۇيۋ ستانسالارىندا اينالىمدا جۇرەدى. كوبىنە نومينالى 2 مىڭ، 5 مىڭ، 10 مىڭ بولاتىن قاعاز اقشا قولدان جاسالىنادى.

وسىعان بايلانىستى قۇزىرلى ورگان وكىلدەرى ازاماتتارعا ءىرى اقشاعا قاتىستى مامىلەگە كەلگەندە ساقتىق تانىتۋىن ەسكەرتەدى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى