قازاقستاندا مەكتەپپەن قوشتاسۋ كەشىنە تۇلەكتەر قالاي دايىندالادى؟

ۇلكەن ومىرگە قانات قاققالى تۇرعان تۇلەكتەر ءۇشىن بۇل كۇن ەرەكشە.

كەشەگى وقۋشى ديليارا سمايىلوۆا مەكتەپپەن قوشتاسۋ كەشىنە ۇلكەن دايىندىقپەن كەلدى. مەكتەپ فورماسىن كورىكتى كويلەك پەن بيىك وكشەلى تۋفليگە الماستىردى.

بۇگىن ول بالالىق شاققا قول بۇلعاپ، ۇلكەن ومىرگە اياق باسادى.

سوندىقتان بۇل كۇن جاس تۇلەك ءۇشىن ەرەكشە.

ديليارا سمايىلوۆا، «التىن بەلگى» يەگەرى:

- مىنا كويلەكتى تابانىمنان توزىپ ەكى اپتا بويى ىزدەدىم. ماتانىڭ ءتۇسى كوزگە بىردەن تۇسەدى، ماعان قاتتى ۇنادى. وسىنداي مەرەكەلىك كەشكە ارنالعان. باعاسى -  50 مىڭ تەڭگە. مەكتەپ ءبىتىرۋ كەشى تۇلەكتەردى عانا ەمەس، اتا-انالار مەن ۇستازداردى دا اۋرە-سارساڭعا سالاتىنى ءسوزسىز. مەيرامحانا، اسابا مەن شوۋ باعدارلاما مەرەكەنىڭ ءمانى، ارينە.

سوندىقتان تۇلەكتەردىڭ تويىنا ەشكىم تەڭگەسىن اياپ قالمايدى. وتىز جىل ۇستاز بولعان اقكەنشى جورابەكوۆا «جىلدان-جىلعا بالالاردىڭ تالابى مەن تالعامى وزگەرىپ جاتىر»، - دەيدى. سالتاناتتى كەشتەر زامان تالابىنا ساي وتكىزىلەدى. تاجىريبەلى مۇعالىم «بۇگىنگى جاستار جىلتىراعانعا جاقىن»، - دەيدى.

اقكەنشى جورابەكوۆا، مۇعالىم:

- 10 جىل بۇرىن مەكتەپپەن قوشتاسۋ كەشتەرى قاراپايىم وتەتىن. قازىرگىمەن سالىستىرۋعا كەلمەيدى. بۇرىندارى قىزدار قالىڭدىق سياقتى اق كويلەك كيىپ كەلەتىن، ال قازىرگى كويلەكتەر ءتۇرلى-ءتۇستى، وتە ادەمى. جانە بۇگىندە قىزدار ءبىر كەشتە 2-3 كويلەك اۋىستىرادى.

التىن ۇيادان ۇشىپ، جاڭا ومىرگە جولداما العالى تۇرعان جاستاردىڭ بويىن قيماستىق سەزىم كەرنەيدى. «دەگەنمەن بۇل كۇن قايتا اينالىپ كەلمەيدى»، - دەيدى تۇلەكتەر. سوندىقتان كەشتى ماڭگى ەستە قالارلىقتاي وتكىزگەندى قالايدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى