قازاقتىڭ قايسار قىزدارى تۋرالى كىتاپ جارىق كوردى
جيىندا تاريحشى باقتىلى بورانبايەۆانىڭ قازاقستاندىق ايەلدەردىڭ ەرلىك ىستەرىن باياندايتىن كىتابى تانىستىرىلدى. وندا قازاق قىزدارىنىڭ سوعىستا تانكتەر مەن ۇشاقتاردى قالاي باسقارىپ، ەرلىك ۇلگىسىن كورسەتكەنى جازىلعان.
«سۇراپىل سوعىستا وت كەشكەن ءاربىر قازاقستاندىق ايەلدىڭ ەسىمى ۇمتىلماۋى كەرەك. ولاردىڭ ەرلىگىن ۇرپاققا جەتكىزۋ ورتاق مىندەت»، - دەيدى كونفەرەنتسياعا كەلگەندەر.
جيىنعا قاتىسۋشىلاردىڭ ءبىرى ەربولات ءامىروۆ باتىر اناسى حيۋاز دوسپانوۆا جايلى ەستەلىگىمەن ءبولىستى. ول ورالداعى اەروكلۋبتا العاش ۇشاق رولىنە وتىرعان ەكەن، دەپ اقپارات تاراتتى 24.kz.
«سوندا اۆياتسيامەن تانىسادى، ۇشاققا وتىرادى، پاراشيۋتپەن سەكىرەدى. بىزدە قازاقتا بەگەلدينوۆ، ءابدىروۆ، دوسپانوۆا سەكىلدى ۇشقىشتار بولدى. ودان باسقا دا تالاي باتىرىمىز بولدى»، - دەدى حالىق قاھارمانى ح. دوسپانوۆانىڭ ۇلى ەربولات ءامىروۆ.
«بۇگىنگى تاڭدا تاريحشىلار بولسىن، جالپى قوعام بولسىن، بۇل كىسىلەردىڭ ەرلىكتەرىن ءاردايىم ماراپاتتاپ، جاس ۇرپاقتىڭ بويىنا ءسىڭىرۋ ءۇشىن ەڭبەكتەنۋىمىز كەرەك. بۇل كىسىلەر تۋرالى دەرەكتى فيلمدەر مەن كىتاپتار شىعارۋ، قالا بەردى مەكتەپتەردە اشىق ساباقتار وتكىزۋ تاربيەنىڭ ەڭ ءبىر ۇلگى الارلىق بولىگى دەپ ەسەپتەيمىز. سوندىقتان دا «ماڭگىلىك ەل» يدەياسىندا ايتىلعان قازاقستاندىق پاتروتيزم وسىندايدان باستاۋ الادى دەپ ويلايمىن»، - دەدى تاريح عىلىمدارىنىڭ دوكتورى اققالي احمەت.
