بۇگىن قازاقستاننىڭ وڭتۇستىگى مەن باتىسىندا اپتاپ ىستىق بولادى
كەي جەرلەردە جاڭبىر جاۋىپ، كۇن كۇركىرەيدى جانە جەل كۇشەيەدى، كەي اۋماقتاردا تۇمان ءتۇسۋى ىقتيمال.
بۇل تۋرالى «قازگيدرومەت» حابارلايدى.
اقمولا، قوستاناي، پاۆلودار وبلىستارىندا، كۇندىز جامبىل، قىزىلوردا، اتىراۋ، باتىس قازاقستان، اقتوبە، قاراعاندى وبلىستارىندا كەي جەرلەردە جەل كۇشەيىپ، جىلدامدىعى 15-20 م/س. جەتەدى.
سولتۇستىك قازاقستان وبلىسىندا تۇندە جانە تاڭەرتەڭ كەي جەرلەردە تۇمان ءتۇسۋى مۇمكىن، جەلدىڭ جىلدامدىعى 15-20 م/س.
الماتى، جامبىل، وڭتۇستىك قازاقستان، قىزىلوردا، ماڭعىستاۋ، اقتوبە، قوستاناي، سونداي-اق قاراعاندى وبلىسىنىڭ كەي جەرلەرىندە اپتاپ ىستىق بولۋى ىقتيمال.
باتىس قازاقستان، اتىراۋ وبلىستارىندا دا كۇن ىستىق، كەي جەرلەردە اپتاپ ىستىق كۇتىلۋدە.
اتىراۋ، اقتوبە وڭىرلەرىنىڭ باسىم بولىگىندە، الماتى، باتىس قازاقستان، قىزىلوردا، قاراعاندى، جامبىل، وڭتۇستىك قازاقستان وبلىستارىندا ءورت شىعۋ قاۋپى اسا جوعارى.
