اسىق اتۋدان رەسپۋبليكالىق تۋرنيردە «قازاقپارات» اگەنتتىگى «بەس اسىقتان» باس جۇلدەنى ولجالادى

ۇلتتىق ويىن تۇرىنەن وتكەن سپورتتىق شاراعا رەسپۋبليكالىق 8 بۇقارالىق اقپارات قۇرالىنىڭ وكىلدەرى قاتىستى. تارتىستى وتكەن سايىس ناتيجەسىندە قىزدار اراسىنداعى «بەس اسىق» ويىنىنان «قازاقپارات» حالىقارالىق اقپارات اگەنتتىگىنىڭ قىزمەتكەرى ساياگۇل جارىلقاسىن باس جۇلدەنى جەڭىپ الدى. ال ەرلەر اراسىندا وتكەن «اسىق اتۋ» سايىسىندا ءبىرىنشى ورىن «استانا تەلەارناسى» قىزمەتكەرلەرىنە بۇيىردى.

«كوشپەندىلەردىڭ كونە ويىنى - «اسىق اتۋدىڭ» تاريحى ءۇش مىڭ جىلدان اسىپ جىعىلادى. سوندىقتان دا بۇگىنگى كۇنى دە بۇل ۇلتتىق ويىننىڭ ءوز وزەكتىلىگىن جويماۋى قۋانتادى. بۇل ويىندى بارلىعى، ياعني ەڭبەكتەگەن بالادان ەڭكەيگەن قارتقا دەيىن بىلەدى»، - دەدى «كازكونتەنت» ا ق باسقارماسىنىڭ ءتوراعاسى، «اسىق اتۋ» رەسپۋبليكالىق قاۋىمداستىعىنىڭ پرەزيدەنتى ايدوس قىدىرما.

ونىڭ اتاپ وتۋىنشە، بۇگىندە ءوزى باسقاراتىن قاۋىمداستىقتىڭ ەلىمىز بويىنشا جەتپىسكە جۋىق ۇيىرمەسى جۇمىس ىستەيدى.

«ءبىز جىل سوڭىنا دەيىن «اسىق اتۋدان» كەمىندە توعىز رەسپۋبليكالىق جانە حالىقارالىق تۋرنير ۇيىمداستىرۋدى جوسپارلاپ وتىرمىز. استانادا بۇگىنگى ءوتىپ جاتقان تۋرنير وسى سپورت ءتۇرىن دامىتۋداعى العاشقى قادامىمىز بولماق»، - دەدى ا. قىدىرما.

 ايتا كەتەيىك، جارىسقا «قازاقپارات» حالىقارالىق اقپارات اگەنتتىگى، «ەگەمەن قازاقستان» ، «كازاحستانسكايا پراۆدا» رەسپۋبيلكالىق گازەتتەرى، «استانا»، «قازاقستان» تەلەارنالارى، «باس رەداكتورلار كلۋبى» ق ب، «قازكونتەنت» ا ق، ق ر پرەزيدەنتى جانىنداعى ورتالىق كوممۋنيكاتسيالار قىزمەتى قىزمەتكەرلەرى قاتىستى.

 اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى