تارازدا اكىمشىلىك عيماراتىندا بولعان ءورت سەبەبى انىقتالدى

 «جامبىل وبلىسى اكىمدىگىنىڭ اكىمشىلىك عيماراتىندا ءورت شىققانى تۋرالى حابارلاما ساعات 16.42-دە جامبىل وبلىسى ت ج د كەزەكشى بولىمىنە كەلىپ ءتۇستى. وقيعا ورنىنا ارنايى قىزمەت جەدەل باردى. ءتىلسىز جاۋ 18.05-تە ءسوندىرىلدى. بەلگىلى بولعان دەرەكتەر بويىنشا، ءورتتىڭ شىعۋىنا ەلەكتر وتكىزگىشىنىڭ اقاۋى سەبەپ بولعان»، دەلىنگەن ءوڭىردىڭ ت ج د باسپا ءسوز قىزمەتى تاراتقان حابارلامادا.

زارداپ شەككەندەر سانى - 8، ەكەۋىن كۇيىك شالسا، تورتەۋى يىستەن ۋلانعان. بارلىعى اۋرۋحاناعا جەتكىزىلدى.

 ءورت سوندىرۋگە ت ج د «ءورت ءسوندىرۋ جانە اۆاريالىق- قۇتقارۋ جۇمىستارى قىزمەتىنىڭ» 13 بىرلىك تەحنيكاسى، 76 ادامى، 103 قىزمەتىنىڭ 11 كولىگى، 43 ادامى، وبلىستىڭ ءى ءى د 32 تەحنيكاسى مەن 120 ادامى، «مەديتسينا جانە اپات ورتالىعى»، ۇلتتىق گۆارديا 05513 ءا/ب، «ارلان» ، ق ك ك د وكىلدەرى جۇمىلدىرىلدى.

كورگەن ادامداردىڭ ايتۋىنشا، ءورت ەكىنشى قاباتتان شىققان. «ول جەردە اسحانا بار، اس دايىنداۋعا پليتا قولدانادى، - دەدى «قازاقپارات» تىلشىسىنە 2- قاباتتا ورنالاسقان ۇيىم قىزمەتكەرىنىڭ ءبىرى. پليتادان باسقا ەلەكترو تۇرمىستىق تەحنيكا، جەلدەتكىش، «جامبىل- تاراز» گازەتىنىڭ كومپتەرلەرى بار. ءبارى جانىپ كەتتى».

قازىر جامبىل وبلىسى ت ج د ماماندارى 2- قاباتتا ءورتتىڭ شىعۋ سەبەپتەرىن انىقتاۋ جۇمىستارىن جۇرگىزۋدە.

ساعات 19.00-دە ت ج د عيماراتىندا ءماجىلىس وتەدى.

ەسكە سالساق، بۇگىن تارازدا 9 قاباتتى اكىمشىلىك عيمارات وتقا وراندى. ادامداردىڭ بارلىعى قاۋىپسىز جەرگە كوشىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى