كادەت كورپۋسىنىڭ بيىلعى تۇلەكتەرى سانى جاعىنان باسىم - فوتو

 دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.

 بيىلعى جىلى ق ر ق م كادەت كورپۋسىن ەڭ كوپ تۇلەك، ياعني 214 ادام ءبىتىردى. وقۋ ورنى اشىلعاننان بەرى وندا  2224 سەرجانت «اسكەري باسقارۋ» ماماندىعى بويىنشا وقىپ شىقتى. ونىڭ ىشىندە 2012 -جىلى - 206 ادام، 2013 -جىلى - 176 جانە 2014 -جىلى 181 سەرجانت ءبىتىردى.

 ايتا كەتەيىك، كادەت كورپۋسىنا 17-21 جاس ارالىعىنداعى جاستار، سونداي- اق جاسى 23 تەن اسپاعان كەلىسىمشارت نەگىزىندە جانە مەرزىمدى اسكەري قىزمەت وتەگەن ساربازدار وقۋعا قابىلدانادى.

جالپى وقۋ باعدارلاماسى 1 جىل 10 ايعا ەسەپتەلگەن. ءبىرىنشى كۋرستا كادەتتەر اسكەري قىزمەتتىڭ نەگىزدەرىن ۇيرەنىپ، اسكەري انت قابىلدايدى جانە 10 جىلعا كەلىسىمشارتقا قول قويادى. ەكىنشى كۋرستان باستاپ جاۋىنگەرلىك تاعلىمدامادان وتەدى. ولار ق ر ق ك اسكەري بولىمدەرىنە بارىپ، تەوريالىق بىلىمدەرىن ءىس جۇزىندە سىنايدى. وقۋدى بىتىرىسىمەن كادەتتەر «اسكەري باسقارۋ» ماماندىعى بويىنشا «اسكەري باسقارۋدىڭ كىشى مامانى (مەنەدجەر)» بىلىكتىلىگى بەرىلگەنى تۋرالى ديپلوم الادى. سونىمەن قاتار، «مەحانيكا - 3-سىنىپتى ب م پ جۇرگىزۋشىسى» جانە «ب» ، «س» كاتەگوريالى اۆتوكولىك جۇرگىزۋشىسى كۋالىكتەرى بەرىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى