جامبىل وبلىسىندا تەلەفون بايلانىسى مۇراجايى اشىلادى
بۇعان وبلىستىق مەملەكەتتىك مۇراعاتتان تابىلعان قۇجاتتار دالەل.
«وبلىستىڭ مەملەكەتتىك مۇراعات قورلارىندا اۋليە اتا ۋەزى (جامبىل وبلىسىنىڭ بۇرىنعى اتاۋى) قالالىق القاسى كوميسسارىنىڭ 1919 -جىلعى 30 -تامىزداعى بايانداماسى ساقتالىپ وتىر.
بۇل قۇجاتتا بارلىق مەكەمەلەردى تەلەفون بايلانىسىمەن قامتاماسىز ەتۋ قاراستىرىلىپ وتىرعانى جازىلعان. ول ءۇشىن 1919 -جىلدىڭ قازان ايىندا تاشكەنتتەن ۇستەل ۇستىنە قويىلاتىن بەس تەلەفون اپپاراتى جانە قابىرعاعا ىلىنەتىن ەكى اپپارات، ەكى امپەرلىك ءبىر تەلەفون كوممۋتاتورى جانە اۋليە اتا كەڭەستىك حالىق شارۋاشىلىعى ەلەكتر ستانساسى ءۇشىن ەكى مىڭ مەتر مىس تەلەفون سىمى ساتىپ الىنعان»، - دەپ باياندادى «قازاقپارات» ح ا ا-نىڭ تىلشىسىنە «قازاقتەلەكوم» اق جامبىل وبلىستىق تەلەكوممۋنيكاتسيالار ديرەكتسياسىنىڭ ءبولىم باسشىسى اسقار قوشمامبەتوۆ.
1919 -جىلدىڭ جەلتوقسان ايىندا اۋليە اتا ۋەزى حالىق شارۋاشىلىعى كەڭەسىنىڭ ءتوراعاسى اۋليە اتا پوشتا- تەلەگراف كونتوراسىنىڭ مەڭگەرۋشىسىنە كوممۋتاتور مەن تەلەفونداردى ورناتۋ ۇسىنىسىن جاساپ، كەلەسى جىلدىڭ قاڭتارىندا بۇل يدەيا جۇزەگە اسىرىلدى.
ياعني، 1920 -جىلى اۋليە اتا (تاراز) قالاسىندا تەلەفون بايلانىسىنىڭ پايدا بولعانىن ايتۋعا بولادى، ال 2015 -جىلى جامبىل وبلىسىندا تەلەفون بايلانىسىنىڭ پايدا بولۋىنا 95 -جىل تولىپ وتىر.
«قازاقتەلەكوم» ا ق جامبىل وبلىستىق تەلەكوممۋنيكاتسيالار ديرەكسياسىندا ايماقتى تەلەفونداندىرۋ مۇراجايىن اشۋ شەشىمى قابىلداندى. جيىرمادان استام ەكسپونات پەن مۇراعات قۇجاتتارىنىڭ كوشىرمەلەرى جينالىپ، مۇراجاي ۆيترينالارى دايىندالۋدا.
جامبىل وبلىسىنىڭ تەلەفون بايلانىسى مۇراجايىن بيىلعى جىلدىڭ تامىز ايىندا اشۋ جوسپارلانعان.
