ەۋرووداق شۇعىل ءسامميتىن شاقىردى
بۇل تۋرالى بەيسەنبى كۇنى وتكەن بريفينگتە ەۋروتوپتىڭ پرەزيدەنتى يەرۋن دەيسسەلبلۋم مالىمدەدى.
«از عانا ىلگەرىلەۋشىلىككە قول جەتكىزىلگەنىن وكىنىشپەن ايتۋعا تۋرا كەلەدى، ازىرگە كەلىسىم جاسالماي وتىر»، - دەدى يەرۋن دەيسسەلبلۋم.
ونىڭ ايتۋىنشا، تاراپتاردىڭ افينى قالاسىنا كومەك كورسەتۋدىڭ قازىرگى باعدارلاماسىن ۇزارتۋ، ونىڭ اياسىندا قالىپ وتىرعان 7,2 ميلليارد ەۋرونى الۋ مۇمكىندىگىن بەرەتىن گرەكيا رەفورمالارىنىڭ جاڭا جوسپارىن كەلىسۋ ءۇشىن ءالى دە ۋاقىت بار.
«ءالى دە كەلىسىمگە قول جەتكىزىپ، قازىرگى باعدارلامانى ايدىڭ سوڭىنا دەيىن كەڭەيتۋگە بولادى»، - دەپ اتاپ ءوتتى دەيسسەلبلۋم.
گرەكيانىڭ قارىز ماسەلەسى بويىنشا كەلىسىم بولماۋىنا بايلانىستى ەۋروپالىق كەڭەستىڭ پرەزيدەنتى دونالد تۋسك ەۋروايماقتىڭ شۇعىل ءسامميتىن شاقىرۋعا شەشىم قابىلدادى.
«ەۋروتوپتىڭ كەزدەسۋ قورىتىندىلارى تۇرعىسىنان بۇگىن مەن دۇيسەنبى، 22 -ماۋسىم كۇنى ساعات 19:00 دە ەۋروايماق ەلدەرىنىڭ ءسامميتىن شاقىرۋعا شەشىم قابىلدادىم. گرەكيانىڭ جاعدايىن شۇعىل تۇردە ەڭ جوعارى ساياسي دەڭگەيدە تالقىلايتىن كەز كەلدى»، - دەپ مالىمدەدى دونالد تۋسك.
