وڭتۇستىك پەداگوگتارىنا ق ر ءبىلىم جانە عىلىم ءمينيسترى العىس ءبىلدىردى
بيىلعى جىلى ۇ ب ت قورىتىندىسى بويىنشا وڭتۇستىك قازاقستان وبلىسىنىڭ مەكتەپ بىتىرۋشىلەرى جاقسى كورسەتكىشتەرگە قول جەتكىزىپ، ورتاشا بالل 78,7 نى قۇرادى.
وسىعان وراي، ق ر ءبىلىم جانە عىلىم ءمينيسترى اسلان ءسارىنجىپوۆ رەسپۋبليكا بويىنشا ۇ ب ت- نى جوعارى دەڭگەيدە ۇيىمداستىرىپ، وتكىزگەنى ءارى جوعارى كورسەتكىشكە يە بولعانى ءۇشىن وبلىس اكىمى اسقار مىرزاحمەتوۆ پەن وڭىردەگى پەداگوگتارعا العىس حاتىن جولدادى.
اتالعان حاتتا: «ۇ ب ت ناتيجەسى وڭتۇستىك قازاقستاندىق پەداگوگتاردىڭ جوعارى كاسىبيلىگى مەن جاڭاشىل تاجىريبەسىن جانە جاقسى ءداستۇر ساباقتاستىعىن دالەلدەيدى. مەكتەپ بىتىرۋشىلەردىڭ قول جەتكىزگەن تابىستارى وبلىستىڭ مۇعالىمدەرى مەن وقۋشىلارىنىڭ شىعارماشىلىق جۇمىسپەن اينالىسۋى ءۇشىن مەملەكەتتىڭ قولايلى جاعدايلار جاساۋىنىڭ ناتيجەسى بولىپ تابىلادى.
ق ر ءبىلىم جانە عىلىم مينيسترلىگى وڭتۇستىك قازاقستان وبلىسىنىڭ پەداگوگتارىنا وسكەلەڭ ۇرپاقتى لايىقتى وقىتۋعا ۇلەس قوسىپ، ۇ ب ت- عا مەكتەپ بىتىرۋشىلەرىن دايىنداۋعا بەلسەندى قاتىسقاندارىڭىز ءۇشىن العىس بىلدىرەدى.
وڭتۇستىك قازاقستانداعى بارلىق پەداگوگتارىنا شىعارماشىلىق تابىستار مەن جاڭا جوعارى جەتىستىكتەر تىلەيمىز»، - دەلىنگەن.
