ماگاتە- نىڭ تومەن بايىتىلعان ۋران بانكى بارىنشا قاۋىپسىز بولادى - ت. ۆۋد
بۇل تۋرالى كەشە ماگاتە وكىلى، قازاقستاندا تومەن بايىتىلعان ۋران بانكىن قۇرۋ جوباسىنىڭ جەتەكشىسى تەرري ۆۋد ءمالىم ەتتى.
«ءبىز قازاقستانداعى ارىپتەستەرىمىزبەن بىرلەسىپ، اتالعان مەكەمە جۇمىس ىستەۋى ءۇشىن قاجەتتى شارالاردى ايقىنداۋ باعىتىنداعى شارالاردى اتقارۋدامىز. ياعني، بارلىق پروتسەدۋرالار ماگاتە- ءنىڭ قاۋىپسىزدىك ستاندارتتارىنا ساي بولۋى ءتيىس. ءبىزدىڭ بولجامىمىزشا، بارلىق قاجەتتى شارالاردى جۇزەگە اسىرۋعا، بانكتى دايىنداۋعا شامامەن 2 جىل ۋاقىت كەتەدى. مەنىڭشە، كەلىسىمگە قول قويىلعان ساتتەن باستاپ، شامامەن 2 جىل قاجەت»، - دەدى ت. ۆۋد ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، اتالعان كەلىسىم قازىرگى ۋاقىتتا بەكىتىلگەن. «ءبىز قۇجاتقا تاياۋ ارالىقتا قول قويىلادى دەپ كۇتىپ وتىرمىز. دەگەنمەن، ناقتى داتاسىنا قاتىستى ساۋال قازاقستاندىعى ارىپتەستەرىمىزگە قويىلۋى كەرەك»، - دەدى ول.
ت. ۆۋدتىڭ اتاپ وتۋىنشە، تومەن بايىتىلعان ۋران بانكى بارىنشا قاۋىپسىز بولادى.
«ماگاتە نەلىكتەن قازاقستاندى تاڭدادى دەگەن ساۋالعا كەلەر بولساق، ەڭ بىرىنشىدەن، قازاقستان ءوز اۋماعىندا ماگاتە- نىڭ تومەن بايىتىلعان ۋران بانكىن ورنالاستىرۋ تۋرالى ۇسىنىس جاسادى. ەكىنشىدەن، سىزدەردىڭ ەلدەرىڭىزدە يادرولىق قالدىقتاردى قاۋىپسىز ساقتاۋدا تاجىريبە بار. ءۇلبى مەتتالۋرگيالىق زاۋىتى 60 جىلدىق تاجىريبەگە يە. بۇعان قوسا، سىزدەردە ماگاتە بانكىن ورنالاستىرۋعا قاجەتتى بارلىق ينفراقۇرىلىم بار. قازاقستان تومەن بايىتىلعان ۋراندى ساقتاۋعا قاجەتتى بارلىق قاجەتتى جاعدايعا يە»، - دەدى قازاقستاندا تومەن بايىتىلعان ۋران بانكىن قۇرۋ جوباسىنىڭ جەتەكشىسى.
اۆتور: مارلان جيەمباي
