قازاقستاننىڭ «استانا ارلاندارى» مەن «كۋبا دومادورەس» اراسىنداعى شەشۋشى سىن تىكەلەي ەفيردە كورسەتىلەدى
ەكى كۇن بويى ون سالماق بويىنشا وتەتىن تارتىستى كەزدەسۋدە قوس ەلدىڭ دە مىقتى بوكسشىلارى شارشى الاڭعا شىعاتىنى جوسپارلانىپ وتىر.
وسى كەزدەسۋدى سپورت كەشەنىنە بارىپ، ءوز كوزىمەن كورەمىن دەۋشىلەر مەن «استانا ارلاندارىنىڭ» جانكۇيەرلەرى ءۇشىن بيلەتتەر ساتىلۋدا.
ەلوردامىزدا وتەتىن بوكس كەشىن «حابار» تەلەارناسى تىكەلەي ەفيردە كورسەتەدى. باستالۋى استانا ۋاقىتىمەن 17 ساعات 15 مينۋتتا. سونىمەن قاتار رەسەيدىڭ «بوەتس» تەلەارناسى دا قازاقستان مەن كۋبا بوكسشىلارىنىڭ تارتىستى جەكپە-جەگىن ەكى كۇن بويى تىكەلەي ەفيردە كورسەتەتىنى جونىندە مالىمەت جاريالادى.
الەم نازارى استاناعا اۋىپ تۇرعان شاقتا «استانا ارلاندارىنىڭ» بارشا جانكۇيەرلەرى قازاق ەلىنىڭ نامىستى جىگىتتەرى ەل ابىرويىن اسقاقتاتىپ، جەڭىسكە قول جەتكىزەدى دەگەن سەنىمدە.
اۆتور: ايدىن بايمەن
