اقتوبەدە تاتار حالقىنىڭ سابانتوي مەرەكەسىن اتاپ ءوتتى - فوتو

ا. پۋشكين اتىنداعى قالالىق ساياباقتا وتكەن مەرەكەنى «شاتلىق» تاتار-باشقۇرت ەتنو-كونفەسسيالىق بىرلەستىگىنىڭ وكىلدەرى ۇيىمداستىردى.

اتالعان شارا قازاقستان حالقى اسسامبلەياسىنىڭ 20 جىلدىعىن، ۇلى جەڭىستىڭ 70 جىلدىعىن، ءاليا مولداعۇلوۆانىڭ 90 جىلدىعىن جانە قازاق حاندىعىنىڭ 550 جىلدىعىن مەرەكەلەۋ اياسىندا ءوتتى.

ساياباقتا كورىنىستى تاماشالاپ، كوڭىلدى ويىندارعا قاتىسۋعا، تاتار حالقىنىڭ ۇلتتىق تاعامدارىنان ءدام تاتۋعا كوپ حالىق جينالدى.

ءداستۇر بويىنشا اقتوبەلىك تاتارلاردى سابانتوي مەرەكەسىمەن قۇتتىقتاۋعا قازان قالاسىنان قوناقتار كەلدى. تاتارستان رەسپۋبليكاسىنىڭ حالىق ءارتىسى رەزەدا تۋحۆاتۋللينا تاتارستان پرەزيدەنتى رۋستام ميننيحانوۆتىڭ قۇتتىقتاۋ حاتىن وقىپ بەردى.

«بۇگىندە سابانتوي 28 ەلدە اتاپ وتىلەدى. ءبىز ءار ەلدەگى مەرەكەلىك شارالارعا قاتىسۋعا تىرىسىپ وتىرمىز. مەن سابانتويدى اقتوبەدە قالاي اتاپ وتىلەتىنىن كورگىم كەلگەن. ەندى وسىندا كەلىپ، ونىڭ كۋاگەرى بولىپ وتىرعانىما وتە ريزا بولىپ وتىرمىن. ءبىزدىڭ مەرەكەمىز اقتوبەلىكتەردىڭ ەسىندە قالاتىنىنا سەنىمدىمىن»، - دەپ اسەرىمەن ءبولىستى قوناق.

اقتوبەدە سابانتوي مەرەكەسى 1999 -جىلدان بەرى اتاپ وتىلۋدە. «شاتلىق» تاتار-باشقۇرت ە ك ب-نىڭ ءتوراعاسى راۆيل قۇربانعاليەۆتىڭ بايانداۋىنشا، ول قاشاندا جوعارى دارەجەدە ۇيىمداستىرىلىپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى