زارينا بيرمينگەم تۋرنيرىنىڭ ءۇشىنشى اينالىمىنا شىقتى

چەمپيونات. كوم سايتىنان الىنعان مالىمەتكە قاراعاندا، وسى جارىستىڭ 12-، الەمنىڭ 25- راكەتكاسى، بەلارۋس قىزى ۆيكتوريا ازارەنكو اياعىنىڭ جاراقاتىنا بايلانىستى ز. دياسپەن كەزدەسۋدەن باس تارتتى.

زارينا شيرەك فينالعا شىعۋ ءۇشىن وسى تۋرنيردىڭ 6- راكەتكاسى، چەحيالىق كارولينا پليشكوۆا نەمەسە بريتانيالىق يوحاننا كونتانىڭ بىرەۋىمەن كۇش سىناسادى.

ەسكە سالا كەتەيىك، جۇلدە قورى 665,9 مىڭ ا ق ش دوللارىن قۇرايتىن بيرمينگەم تۋرنيرىنىڭ العاشقى اينالىمىندا زارينا دياس وتكەن اپتادا گوللانديانىڭ حەرتوگەنبوس قالاسىندا حالىقارالىق تۋرنيردىڭ جەڭىمپازى اتانعان يتالياندىق كاميلا دجوردجيمەن كەزدەسۋى ءتيىس بولاتىن.

الايدا ك. دجوردجي بۇل جارىسقا قاتىسۋدان باس تارتقاننان كەيىن زارينا ءبىرىنشى كەزدەسۋىندە ىرىكتەۋ سايىستارىنان ءوتىپ، نەگىزگى تۋرنيرگە قوسىلعان ۋكراين قىزى كاتەرينا بوندارەنكونى 7:6, 7:6 ەسەبىمەن ۇتقان ەدى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى