ءسۇت بەزى قاتەرلى ىسىگىن تۋدىراتىن گەن قازاق قىزدارىنان انىقتالمادى

زەرتتەۋلەر ناتيجەسى بۇل بولجامدى راستادى. قاۋىپتى گەن اۋرۋعا شالدىعۋ مۇمكىندىگى جوعارى ايەلدەردىڭ بارىنەن تابىلعان.

 مۇنداي گەن قازاق قىزدارىنىڭ قانىنان انىقتالمادى. سوندا دا ولاردىڭ ءسۇت بەزىنە شالدىعۋىنا نە سەبەپ بولىپ وتىرعاندىعىن عالىمدار تاپ باسىپ ايتا الماي وتىر.

الماتى قالالىق باس ونكولوگى ديليارا قايداروۆا اۋرۋعا شالدىققان ادامداردىڭ گەنەتيكالىق كارتاسى زەرتتەلەتىنىن ايتتى.

وسىنداي زەرتتەۋلەر ناتيجەسىندە بارىنە ورتاق ءبىر گەن بولاتىنى انىقتالدى.

دارىگەرلەردىڭ ايتۋىنشا، ول بەلگىلى ءبىر اۋرۋعا بەيىمدىكتى تۋدىرادى.

«قازىر مەديتسينادا BRCA1 گەنى ءسۇت بەزى قاتەرلى ىسىگىن تۋدارىتىنى انىقتالدى. ونى الدىن الا بىلگەن كەي ادامدار ءسۇت بەزىن الدىرىپ تاستايدى. ءبىز قازاق كەلىنشەكتەرىنىڭ اعزاسىنا دا تالداۋ جاساپ كوردىك. ناتيجەسىندە مۇنداي گەن جوق بولىپ شىقتى. سوندا دا ولاردىڭ اراسىندا اۋرۋعا شالدىعىپ جاتقاندار بار. نەگە ولاي ەكەندىگى ازىرگە جۇمباق»، - دەدى د. قايداروۆا.

مۇنى شەشۋ ءۇشىن يتاليادان ارنايى ماماندار كەلىپ تەكسەرۋ جۇرگىزبەكشى.

سونداي- اق، جالپى گەنەتيكا مەن تسيتولوگيا ينستيتۋتى الماتى ونكولوگيالىق ورتالىعىمەن بىرلەسە وتىرىپ ىشەك قاتەرلى ىسىگىنە اكەلەتىن گەندى انىقتادى.

الماتىدا تۇتاس ءبىر وتباسىنىڭ اتالعان گەننىڭ تاسىمالداۋشىسى ەكەندىگى انىقتادى.

قازىردىڭ وزىندە ولاردىڭ كوپشىلىگىنىڭ اۋرۋعا شالدىققانى بەلگىلى بولدى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى