اقتوبەدە قاماۋعا الىنعان دەپۋتاتتىڭ جاسىرعان بايلىعى تابىلدى
ولار اۋىر قىلمىس جاسادى دەگەن كۇدىكپەن ۇستالعان مەيىرجان وندىرگەنوۆتىڭ مۇلىكتەرىن ءتىزۋ كەزىندە جاڭىلىسىپ قالا جازداپتى دەپ حابارلايدى ك ت ك ارناسى.
«مەيىرجان وندىرگەنوۆتىڭ اتىنا بانكتەردە ەسەپ-شوتتار مەن دەپوزيتتەر اشىلعان. وندا 16 ميلليون تەڭگەدەي بار. استانادا پاتەرى، گاراجى، جەر ۋچاسكەسى مەن جەكە ءۇيى بارى انىقتالدى. وسى مۇلىكتەردى بۇعاتتاۋ قاجەت»، - دەيدى اقتوبە وبلىستىق پروكۋراتۋراسىنىڭ وكىلى ەلۋبەك تالاسوۆ.
بۇعان دەيىن قالانىڭ قاق ورتاسىنداعى وندىرگەنوۆتىڭ وسى ۇيىنە قاتىستى داۋ تۋعان بولاتىن. سەبەبى ايماقتاعى اۋقاتتى دەپۋتات ونى كاسسيرىنىڭ اتىنا اۋدارىپ ۇلگەرگەن. ەڭ قىزىعى ول تۋرالى كاسسير كەلىنشەك بىلمەيدى ەكەن.
ايماقتاعى ءىرى بيزنەسمەن مەيىرجان وندىرگەنوۆ باسقا كاسىپكەرلەردىڭ يەلىگىندەگى مەكەمەلەرگە كوز تىگىپ، تارتىپ الماق بولعان. سونداي-اق مەملەكەتكە ميلليونداعان تەڭگە سالىق تولەمەي جالتارعانى ءۇشىن ايىپتالىپ وتىر.
العاشقى ءتىنتۋ كەزىندە تەرگەۋشىلەر ونىڭ ۇيىنەن تابىلعان قارجىنى ارنايى اپپاراتپەن 5 ساعات ساناعان ەدى.
