كونستيتۋتسيالىق كەڭەس ءتوراعاسى پارلامەنت الدىندا جولداۋىن جاريالادى
جولداۋىندا كەڭەس ءتوراعاسى بيىل ەلىمىزدىڭ كونستيتۋتسياسىنا جيىرما جىل تولعانىن اتاپ ءوتىپ، ونىڭ ەرەكشەلىكتەرىنە دە نازار اۋداردى. ونىڭ ايتۋىنشا، قازاقستان كونستيتۋتسياسى ەلىمىزدىڭ ەڭ قىمبات قازىناسى ادام جانە ادام ءومىرى، قۇقىقتارى مەن بوستاندىقتارى بولاتىن دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە ورلەۋ ءداۋىرىنىڭ، نىعايتۋدىڭ، جان- جاقتى جانە كەزەڭ- كەزەڭىمەن ورنىقتىرۋ سيمۆولى بولدى. سونىمەن قاتار، جولداۋدا ايتىلعانىنداي، اتا زاڭ حالىقتىڭ مۇددەسى مەن ونىڭ ەركىن ىسكە اسىرا وتىرىپ، قازاقستاندىقتاردى توپتاستىرۋدىڭ قۋاتتى باستاۋى بولدى.
بۇدان بولەك، ي. روگوۆ جولداۋدا كونستيتۋتسيالىق دامۋدىڭ نەگىزگى قورىتىندىلارىنا نازار اۋدارىپ، كونستيتۋتسيالىق كەڭەستىڭ قىزمەتى، كونستيتۋتسيالىق قۇرىلىس نەگىزدەرىن ىسكە اسىرۋ بويىنشا ونىڭ قۇقىقتىق ۇستانىمدارىنا توقتالدى. جولداۋدا ايتىلعانىنداي، انىق، مۇقيات تەكسەرىلگەن كونستيتۋتسيالىق- قۇقىقتىق ساياسات جانە قۇندىلىقتارعا باعىتتالعان كونستيتۋتسيالىق- قۇقىقتىق پراكتيكا ءبىر- ءبىرىن ءوزارا تولىقتىرادى. نەگىزگى زاڭنىڭ وزىنە ءتان فۋنكتسيالارىن ءتيىمدى ىسكە اسىرۋىنا ىقپال ەتەدى. ونىڭ ەرەجەلەرى مەن نورمالارىنىڭ ساپالى ورىندالۋى مەن قولدانىلۋىن، ازاماتتاردىڭ جانە مەملەكەتتىك قىزمەتشىلەردىڭ قۇقىقتىق ساناسى دەڭگەيىن ارتتىرۋعا جۇمىس جاسايدى.
«كونستيتۋتسيالىق كەڭەس اتا زاڭنىڭ الەۋەتىن ودان ءارى ءتيىمدى پايدالانۋ، كونستيتۋتسيوناليزمدى دايەكتىلىكپەن ورنىقتىرۋ، قازاقستاندى قالىپتاسقان، قۋاتتى، تابىستى، ازاماتتىق قوعام قۇندىلىقتارىن ۇستانعان جانە الەمدەگى ۇزدىك وتىز مەملەكەت قاتارىنا كىرۋشى مەملەكەت رەتىندە نىعايتۋ جولىنداعى ماقساتقا جەتۋىمىزگە سەنىم بىلدىرەدى»، - دەدى ي. روگوۆ.
اۆتور: قانات مامەتقازى ۇلى
