ديەتولوگتار: سالماعىن تۇسىرمەك بولعان ادامدارعا سۇيىكتى تاعامدارىن جەۋگە بولمايدى

ولاردى راتسيونعا قوسقان ادام سالماق قوسىپ الۋى ابدەن مۇمكىن.

بۇل تۋرالى روسبالت جازادى.

48 اپتاعا سوزىلعان جاڭا زەرتتەۋگە 207 ەرىكتى قاتىسقان، دەپ جازادى Meddaily. 105 قاتىسۋشىعا تومەن كومىرسۋتەكتى جانە ۇلەسى از ەمدامدى تاڭداۋ ۇسىنىلدى. ولاردىڭ 58 پايىزى ەمدامنىڭ ءبىرىنشى ءتۇرىن ۇستاۋدى، قالعاندارى ەكىنشى نۇسقانى تاڭدادى. بۇدان باسقا، بۇل ەرىكتىلەر 12 اپتادان كەيىن ەمدامدى اۋىستىرىپ الدى. قالعان 102 قاتىسۋشىعا ماماندار ەمدامدەردى وزدەرى تاڭداپ بەردى. 52 پايىزىنا تومەن كومىرسۋتەكتى ەمدامدى، قالعان 48 پايىزعا - ماي ۇلەسى از ەمدام ۇستانۋىن سۇرادى.

ماماندار ەمدام ءتۇرىن وزدەرى تاڭداعان ادامدار ونى قاتاڭ ۇستانىپ، ەمدام تاڭداپ بەرىلگەندەرگە قاراعاندا كوبىرەك سالماقتارىن ارىلادى دەپ پايىمدادى. ەكى توپتىڭ قاتىسۋشىلارى دا توپتىق كەڭەستەرگە قاتىسىپ، ماماندارمەن تەلەفون ارقىلى حابارلاسىپ تۇرعان، كىتاپتاردى جانە وزگە دە ماتەريالداردى پايدالانعان. وسىنىڭ بارلىعى ولارعا ەمدامدى ۇستاپ تۇرۋعا كومەكتەستى.

 زەرتتەۋدىڭ سوڭىنا قاراي ەمدام ءتۇرىن وزدەرى تاڭداعان ەرىكتىلەر ورتاشا ەسەپپەن العاندا 5,7 كەلىدەن ارىلعان. ەمدامدى زەرتتەۋشىلەر تاڭداپ بەرگەندەر شامامەن 6,7 كەلى تاستاعان. الدىڭعى زەرتتەۋلەر ەگەر دۇرىس ۇستاسا، ەكى ەمدامنىڭ دا ءتيىمدى ەكەنىن كورسەتتى. الايدا ەمدام كەزىندە ءوزى ۇناتپايتىن تاعامداردى جەيتىن ادامعا ارتىق سالماقتان ارىلۋ وڭايلاۋ. ال ادامدار وزدەرى ۇناتاتىن تاماقتاردى كوبىرەك جەۋگە اۋەس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى