ءانشى قاراقات ءابىلدينا قاراپ قالمادى
ول ايتىسكەر اينۇر تۇرسىنبايەۆانىڭ ايتقان پىكىرىنە ءوز كوزقاراسىن Instagram پاراقشاسىندا ءبىلدىردى.
«جالپى وتكەن ىسكە سىنشى كوپ قوي دەپ ۇندەمەي قالعىم- اق كەلىپ ەدى... اينۇردىڭ پوستىن وقىپ وتىرىپ، «ونەرگە اركىمنىڭ-اق بار تالاسى...» دەگەندەي وسى ەلدىڭ ءانشىسى رەتىندە قوعامدا بولىپ جاتقان جاعدايعا كوز جۇمىپ قاراعانىم جاراماس دەپ وي بولىسكىم كەلدى»، - دەپ ءسوزىن باستادى ءانشى.
قاراقات جۇرتتى شۋلاتقان «مۋز- ت ۆ» جوباسى ءبىراز ادامدى وياتىپ، باستارىن بىرىكتىردى دەگەن كوزقاراسىن جەتكىزدى.
«ءار نارسەنىڭ قايىرى بار دەمەكشى» وسى ءبىر جۇرتتى شۋلاتقان جوبا ءبىراز ادامدى وياتىپ، باسىمىزدى بىرىكتىرىپ كەتكەندەي بولدى ماعان... بىزدە وسى تاستاي اۋىزبىرشىلىك بۇرىننان بولعاندا ءبىز بۇگىنگىدەي بارماق تىستەپ وتىرماس ەدىك! ءيا، وكىنىش كوپ بولدى! ونى قايتا- قايتا ەزە بەرگەننەن ەشتەڭە ۇتپايمىز».
ءابىلدينا كەزىندە ەلىمىز وتاندىق جۇلدىزدارعا ەش قولداۋ كورسەتپەگەنىن ايتىپ، نازىن ءبىلدىردى.
«وسىندايدا ەسكە تۇسەدى, كەزىندە قىدىرالى ۇلىتاۋدى بۇكىل الەمگە تانىتىپ، باسقا مەملەكەتتەردىڭ ت ۆ- لارىنا روتاتسيا جاساعىسى كەلگەندە ەش مەملەكەت رۇقسات بەرمەگەن ەدى! وسى ءبىر مىسالدان-اق ءبارىن تۇسىنۋگە بولادى. ءوزىمىزدى ءوزىمىز قولدايىق. مەملەكەتتىڭ ءوز ونەرپازدارىن قولدايتىن ۋاقىتى جەتتى دەپ ويلايمىن... يدەولوگيانى دامىتۋ كەرەكپىز. كىم كورىنگەنگە تامسانىپ بولدىق قوي. 70 جىل اۋزىمىزدى اشقانىمىز جەتەتىن شىعار؟ قۇرمەتتى ارىپتەستەر! بىزگە وياناتىن ۋاقىت كەلدى»، - دەپ كوپشىلىككە وي تاستادى قاراقات.
ءانشى بارلىعى بىرىگىپ، ءبىر جۇدىرىق بولىپ، مادەنيەتىمىزدى كوتەرەتىن ۋاقىت كەلدى دەپ ەسەپتەيدى.
«ءبىزدىڭ مادەنيەتىمىزدى سىرتتان بىرەۋ كەلىپ، كوركەيتىپ بەرمەيتىنى اپ-انىق. وزىمىزدە قۇدايعا شۇكىر قولىنان كەلەتىن ءبىلىمدى دە بىلىكتى, تالانتتى ۇيىمداستىرۋشىلار جوق ەمەس. اتىن اتاپ، ءتۇسىن تۇستەمەي-اق قوياتىندار بار. سول جانداردىڭ باسىن بىرىكتىرىپ، تىزگىندى بەرسە، سەنىپ تاپسىرسا سوسىن بارىپ سۇراسا دەيسىڭ عوي. توقسان اۋىز ءسوزدىڭ توبىقتاي ءتۇيىنى - ءبىز بىرىكسەك، جۇدىرىق بولىپ جۇمىلساق ءبارىن جەڭەمىز...»، - دەپ ءسوزىن تۇيىندەدى ءانشى.
Nur.kz
