كۇيزەلىستى ەمدەيتىن تاعامدار

سالات

ساۋمالدىق سياقتى جاسىل سالاتتاردىڭ قۇرامىندا فول قىشقىلى بار. ول جۇيكەنى بوساڭسىتاتىن دوفاميندى بولۋگە كومەكتەسەدى.

كۇركەتاۋىق ەتى

ونىڭ قۇرامىندا تابەتتى باسەڭدەتىپ، باقىت سەزىمىن «ورناتاتىن» ، سەروتونين زاتىن بولەتىن تريپتوفان امينوقىشقىلى بار. تريپتوفان جاڭعاق، بالىق، جاسىمىق، بادانا مەن جۇمىرتقا سىندى تاعامداردىڭ دا قۇرامىندا بار.

سۇلى

كومىرسۋلار اعزاعا سەروتونين بولۋگە كومەكتەسەدى. ال سۇلى اۋىر كومىرسۋعا جاتادى. كۇندەلىكتى تاڭعى اسقا سۇلى بوتقاسىن جەپ تۇرساڭىز، كۇيزەلىستەن عانا ەمەس، ارتىق سالماقتان دا ارىلاسىز.

يوگۋرت

2013 -جىلى UCLA جۇرگىزگەن زەرتتەۋدىڭ ناتيجەسى بويىنشا يوگۋرت قۇرامىنداعى پروبيوتيكتەر ادامنىڭ ميىنا اسەر ەتىپ، قورقىنىش پەن ۇرەي تۋعىزاتىن كورتيزول گورمونىن ازايتاتىنى انىقتالعان.

البىرت (لوسوس)

قۇرامىندا ومەگا-3 مايلى قىشقىلدارى مول بولعاندىقتان، البىرت كوڭىل كۇيدى كوتەرەتىن تاعام بولىپ سانالادى. سونداي- اق ول د دارۋمەنىنە باي. اسىرەسە سۋىق كەزەڭدە ادام اعزاسى د دارۋمەنىن تالاپ ەتەدى.

قاراجيدەك

قۇرامىندا س دارۋمەنى، جاسۇنىق پەن انتيوكسيدانت مول بولعاندىقتان، كۇيزەلىستى از ۋاقىتتىڭ ىشىندە ەمدەيدى. سونىمەن قاتار قاراجيدەك يممۋنيتەتتى نىعايتىپ، اعزانىڭ سىرتقى فاكتورلارعا توتەپ بەرۋىنە كومەكتەسەدى.

پىستە (فيستاشكا)

نەگاتيۆتى ويلار لەگىنەن ارىلعىڭىز كەلسە، پىستە شاعىڭىز. ول تەك كۇيزەلىستەن ارىلتىپ قانا قويماي، جۇرەككە دە پايدالى اسەرىن تيگىزەدى.

قارا شوكولاد

قۇرامىندا قانت پەن وسىمدىك مايى كوپ ءسۇتتى شوكولادتان گورى تازا قارا شوكولادتى تاڭداعانىڭىز ءجون. قارا شوكولادتىڭ قۇرامىندا L- تيانين امينوقىشقىلى مول بولعاندىقتان، كۇيزەلىستى جەڭىپ، كوڭىل كۇيدى جاقسارتادى.

ءسۇت

ءسۇت - باقىت سەزىمىن ۇيالاتىپ، كوڭىل كۇيدى كوتەرەتىن د دارۋمەنىنە باي. لوندوندا ورنالاسقان بالالار دەنساۋلىعىنىڭ ينستيتۋتى 50  جىل بويى جۇرگىزگەن زەرتتەۋىنىڭ ناتيجەسى بويىنشا د دارۋمەنى جەتىسپەيتىن ادام ءجيى ۇرەيلى بولادى.

داندەر

زىعىر، اسقاباق جانە كۇنباعىس داندەرى ماگنييگە باي. ول ەموتسيانى قالىپتا ۇستاۋعا كومەكتەسەدى. سونىمەن قاتار داندەردىڭ قۇرامىنداعى مىرىش مي قىزمەتىنە جاردەم ەتىپ، شارشاڭقى كۇيدەن، ۇرەي مەن بەيمازالىقتان ارىلۋعا كومەكتەسىپ، ەستە ساقتاۋ قابىلەتى مەن ۇيقىنى قالىپقا كەلتىرەدى.

اۆوكادو

اۆوكادونىڭ قۇرامىندا جۇيكە جۇيەسىن قالىپتا ۇستايتىن В6 دارۋمەنى مەن فول قىشقىلى مول.

كەشيۋ

بۇل جاڭعاقتىڭ قۇرامىندا 3В, ۆ1 مەن В6 دارۋمەنى مول. ولاردىڭ قۇرامىندا انتيسترەسستى ماگني مينەرالى كوپ بولعاندىقتان، قان تامىرلارىنىڭ جۇمساق بۇلشىق ەتتەرىن بوساڭسىتۋعا كومەكتەسەدى. مۇنىڭ ارقاسىندا مي وتتەكتى كوبىرەك ءسىڭىرىپ، باس اۋرۋىنىڭ الدىن الادى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى