قوستاناي وبلىسىنىڭ وڭتۇستىگىندە ءىرى قارا مال سۋىق تيۋ سالدارىنان قىرىلعان
«الدىن الا دەرەكتەر بويىنشا، جانۋارلاردىڭ قىرىلۋى ولاردىڭ سوزىلمالى جۇقپالى ەمەس تىنىس الۋ، اس قورىتۋ ينفەكتسياسىنىڭ اسقىنۋى سالدارىنان ورىن العان»، - دەپ حابارلادى ب. قايىپباي.
مالدارىنان ايىرىلعان شارۋاشىلىق قوجالىقتارىندا جۇمىس جۇرگىزگەن ۆەتەرينارلىق دارىگەرلەر مال ءجوندى كۇتىممەن قارالماعانىن، سۋىق تيگەن كەزىندە ۋاقتىلى ەم جاسالماعانىن ايتىپ، اۋرۋ اسقىنىپ، پنيەۆمونيا، گاستروەنتەريتكە اينالعان دەپ سانايدى.
بۇدان بۇرىن حابارلانعانداي، جانكەلدى اۋدانىنىڭ شارۋاشىلىق قوجالىقتارىندا جاس ءىرى قارا مال جانە جىلقى مالىنىڭ ءولىم-ءجىتىمى تىركەلدى. بۇل اقبوكەندەردىڭ جاپپاي قىرىلۋىنا بايلانىستى دەگەن دايەكتى مالىمەتتەر ازىرگە جوق.
زەرتحانالىق زەرتتەۋ ەكى جاعدايدا دا جانۋارلاردىڭ قۇتىرما ۆيرۋسىن جۇقتىرعانىن انىقتادى.
