استانادا جاپپاي قىرىپ جوياتىن قارۋدى قۇرتۋ جونىندەگى حالىقارالىق سەميناردا عالىمدار مەن ساراپشىلار باس قوستى

اتالعان جوبا 1990- جىلداردىڭ باسىندا ا ق ش سەناتورلارى سەم نانن مەن ريچارد لۋگار باستاماشى بولعان قاۋىپ- قاتەرلەردى بىرلەسىپ تومەندەتۋ (CTR - ق ب ت) باعدارلاماسىنا قاتىستى قۇجاتتار مەن مالىمەتتەردى، وعان قاتىسقان ساراپشىلاردىڭ اۋىزشا ەستەلىكتەرىن جيناقتاۋدى جانە جۇيەلەندىرۋدى كوزدەيدى.

 باعدارلاما ك س ر و مەن ا ق ش اراسىندا شابۋىل جاساۋشى ستراتەگيالىق قارۋلاردى جويۋ تۋرالى شارتتىڭ قاعيداتتارىن ىسكە اسىرۋدا كەڭەس وداعىنىڭ مۇراگەرلەرى اتانعان قازاقستان، بەلارۋس، رەسەي جانە ۋكرايناعا ناقتى جاردەمدەسۋدى كوزدەيدى.

سەمينارعا قاتىسۋشىلار اراسىندا نانن- لۋگار باعدارلاماسىن جۇزەگە اسىرۋعا اتسالىسقان 30 عا جۋىق قازاقستان، رەسەي جانە ا ق ش- تىڭ ديپلوماتتارى، اسكەريلەرى، عالىمدارى مەن ساراپشىلارى بار.

سەميناردىڭ اشىلۋىندا قازاقستان رەسپۋبليكاسى پارلامەنتى سەناتىنىڭ ءتوراعاسى قاسىم- جومارت توقايەۆ سويلەدى. ءوز سوزىندە ول قازاقستان رەسپۋبليكاسى پرەزيدەنتى ن. ءا. نازاربايەۆتىڭ جاپپاي قىرىپ جوياتىن قارۋدان ەرىكتى تۇردە باس تارتۋ جونىندەگى تاريحي شەشىمىن ىسكە اسىرۋعا نانن- لۋگار باعدارلاماسىنىڭ شەڭبەرىندەگى قازاقستان، رەسەي جانە ا ق ش اراسىنداعى ءۇشجاقتى ىنتىماقتاستىقتىڭ ۇلكەن ماڭىزدىلىعىن اتاپ ءوتتى.

«يادرولىق مۇرادان باس تارتۋ ستراتەگيالىق تۇرعىدان جالعىز دۇرىس شەشىم بولدى، سەبەبى ول ەلىمىزگە الەمدىك قاۋىمداستىقتا لايىقتى ورىن الۋعا مۇمكىندىك بەرىپ، 190 ميلليارد دوللار ينۆەستيتسيالاردى تارتۋ ارقىلى ەكونوميكادا تابىستى رەفورمالاردى جۇزەگە اسىرۋعا جاعداي جاساپ، اقىرىنا كەلگەندە قاۋىپسىزدىگىمىزدى قامتاماسىز ەتتى. وعان قوسا، قازاقستان يادرولىق قارۋسىزدانۋعا قول جەتكىزۋ ماقساتىندا باسقا مەملەكەتتەردەن دە باتىل قادامدار جاساۋدى تالاپ ەتۋگە مورالدىق جانە ساياسي قۇقىققا يە بولدى»، - دەپ اتاپ ءوتتى سەنات ءتوراعاسى.

ءوز كەزەگىندە ق ر سىرتقى ىستەر ءمينيسترى ە. ءا. ىدىرىسوۆ «نانن- لۋگار باعدارلاماسىنىڭ سىندارلى اۋىزشا تاريحى» باعدارلاماسى قازاقستاننىڭ يادرولىق جانە باسقا دا جاپپاي قىرىپ جوياتىن قارۋدى تاراتپاۋ سالاسىنداعى باستامالارىن ىلگەرىلەتۋ بويىنشا باس سەرىكتەستەرى بولىپ تابىلاتىن ا ق ش جانە رەسەيدىڭ مەملەكەتتىك ورگاندارى مەن ساراپشىلار قوعامداستىقتارىمەن ۇيلەسىمدە جۇزەگە اسىرىلىپ وتىرعانىن ەرەكشە اتاپ كورسەتتى.

سىرتقى ىستەر ءمينيسترىنىڭ پىكىرىنشە، «جوبانىڭ ماقساتى جاپپاي قىرىپ جوياتىن قارۋلاردى تاراتپاۋ قاعيداتتارىنا نەگىزدەلگەن جانە اتالعان قارۋدىڭ قولدانىسىمەن قاقتىعىس قاۋپىن تومەندەتۋدى كوزدەيتىن كەلەشەكتەگى مەملەكەتتىك ساياساتتى قالىپتاستىرۋ ءۇشىن وسى كۇردەلى سالاداعى ىنتىماقتاستىقتان تاعىلىم الۋ بولىپ تابىلادى».

ق ر ەنەرگەتيكا ءمينيسترى ۆ. س. شكولنيك سويلەگەن سوزىندە تاۋەلسىزدىگىمىزدىڭ العاشقى كۇنىنەن باستاپ پرەزيدەنت ن. ءا. نازاربايەۆ جاپپاي قىرىپ- جوياتىن قارۋدى ءوندىرۋ جانە ساقتاۋ ينفراقۇرىلىمىن جويۋدا رەسەيمەن جانە ا ق ش- پەن سەرىكتەستىگىمىزگە ءوز بەرىكتىگىمىزدى ناقتى كورسەتە بىلگەنىن ايتتى. سونىمەن قاتار قازاقستان رەسپۋبليكاسىنىڭ مەملەكەتتىك ورگاندارى جاپپاي قىرىپ جوياتىن قارۋدى تاراتپاۋ قاعيداتتارىن جۇزەگە اسىرۋ بويىنشا ناقتى ىنتىماقتاستىقتى جالعاستىرىپ جاتقانىن ەرەكشە اتاپ ءوتتى.

 سەميناردىڭ اشىلۋىندا ا ق ش ۇلتتىق قاۋىپسىزدىك كەڭەسىنىڭ جاپپاي قىرىپ جويۋ قارۋلارىن قولدانۋمەن تەرروريزمگە قارسى كۇرەس جونىندەگى باس ديرەكتورى لورا حولگەيت جانە رەسەي فەدەراتسياسى قورعانىس مينيسترلىگىنىڭ يادرولىق ارسەنالدىڭ قاۋىپسىزدىگىن ساقتاۋعا جاۋاپتى 12- باس باسقارماسىنىڭ بۇرىنعى باستىعى، وتستاۆكاداعى گەنەرال- پولكوۆنيك ەۆگەنيي ماسلين ءسوز سويلەدى. ل. حولگەيت ن. ءا. نازاربايەۆتىڭ تاريحي شەشىمدەرىن، سونىڭ ىشىندە قازاقستاننىڭ الەمدىك قاۋىپسىزدىكتى ساقتاۋداعى ۇلەسىن ەرەكشە اتاپ ءوتىپ، قازاقستاننىڭ بۇل ۇلەسى بۇگىنگى كۇننىڭ وزىندە وزەكتىلىگىن جوعالتپاعانىن ايتتى.

ءىس- شارا بارىسىندا رەسەي فەدەراتسياسىنىڭ قازاقستانداعى ەلشىسى ميحايل بوچارنيكوۆ جانە امەريكا قۇراما شتاتتارىنىڭ ەلشىسى دجوردج كرول ءوز مەملەكەتتەرىنىڭ وسى تاقىرىپتاعى تۇبەگەيلى ايقىندامالارىن جانە ءىس- شارانىڭ ماڭىزدىلىعىن اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى