وتانىنا ورالعان قازاق جايىندا باياندالاتىن «قازىنا» تەلەحيكاياسى «قازاقستان» تەلەارناسىندا كورسەتىلەدى

جوبانىڭ سيۋجەتى تانىمال جازۋشى- دراماتۋرگ، «پاراسات» وردەنىنىڭ يەگەرى راقىمجان وتاربايەۆتىڭ «جۇمباقتاۋ قازىناسى» كىتابىنا نەگىزدەلگەن جانە وتانىنا ورالعان قازاق جايىندا باياندالادى. حيكايادا قوعامدا كەڭىنەن ەتەك جايعان ناشاقورلىق، اۋعانستاننان ەۋروپاعا تاسىمالداناتىن ەسىرتكى بيزنەسى تۋرالى دا ءسوز بولادى. فيلمنىڭ رەجيسسەرى - ءانۋار راينبەكوۆ.

سيۋجەت جەلىسى بويىنشا، قۋعىن- سۇرگىن زامانىندا باسقا ەلگە اۋىپ كەتكەن اۋعان قازاعى ءالي (جاندوس ايباسوۆ) تاريحي وتانىنا ورالادى. قيىن- قىستاۋ زامانىندا اتا- بابالارى «جۇمباقتاۋ» باۋرايىندا قازىنا جاسىرىپ كەتكەن. سول ۋاقىتتان بەرى ءاليدىڭ ەشقانداي ارعى- تەگى بۇل بايلىققا قول جەتكىزە الماعان. اتاسى ولەر الدىندا باستى كەيىپكەرگە وسى تۋرالى ايتىپ، دۇنيەنى مۇقتاج جاندارعا ءبولىپ بەرۋىن تاپسىرادى. ءارى قاراي سيۋجەت قازىنالى بايلىق ىزدەۋدەگى قازاق بالاسى جايىندا ءوربيدى. وعان جەتۋ جولىندا باستى كەيىپكەر گاۋحار ەسىمدى ماحابباتىن (ماقپال يسابەكوۆا) كەزىكتىرىپ، قىزمەتىن ادال اتقاراتىن ازامات ايتاليەۆ دەگەن وفيتسەرمەن (ەرىك جولجاقسىنوۆ) دوس بولادى.

 ەندەشە، جىبەرىپ الماڭىزدار! 2 - ماۋسىم كۇنى ساعات 21.50 دە «قازاقستان» تەلەارناسىندا رەجيسسەر ءانۋار راينبەكوۆتىڭ «قازىنا» تەلەحيكاياسىنىڭ تۇساۋكەسەرى، دەپ حابارلايدى «قازاقستان» تەلەارناسىنىڭ باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى