ق ر تۇڭعىش پرەزيدەنتى مۋزەيىندە «مارتەبەسى بيىك ماراپاتتار» كورمەسى اشىلادى

بۇل تۋرالى مۋزەيدىڭ باسپا ءسوز قىزمەتى حابارلادى.

العاش رەت قالىڭ كورەرمەن نازارىنا مەملەكەت باسشىسىنىڭ 200 دەن اسا قوعامدىق ماراپاتتارى ۇسىنىلادى. ولاردىڭ قاتارىندا: «ءبىرىنشى حالىقارالىق بەيبىتشىلىك سىيلىعى»، «ينۆەستيتسيالىق پەرىشتە» سىيلىعى، «جىل ادامى» حالىقارالىق سىيلىعى جانە ت. ب.

تاتۋ كورشىلىك پەن ىنتىماقتاستىقتى دامىتۋعا باعىتتالعان قازاقستاننىڭ حالىقارالىق ارەناداعى قىزمەتىنىڭ ارقاسىندا، ەلباسىمىز دۇنيەجۇزىلىك قوعامداستىق الدىندا ۇلكەن سىي-قۇرمەتكە بولەنىپ وتىر. بۇنىڭ ايعاعى قازاقستان رەسپۋبليكاسى پرەزيدەنتىنىڭ الەمنىڭ كوپتەگەن مەملەكەتتەردىڭ جوعارى مەملەكەتتىك ماراپاتتارىمەن قاتار، حالىقارالىق ۇيىمدار تاراپىنان ءار كەزەڭدەردە ۇسىنىلعان قوعامدىق تانىلۋدىڭ بەلگىلەرى.

قوعامدىق ماراپاتتار جيىنتىعى ءوزىنىڭ قۇرامى جاعىنان ءارتۇرلى: وردەندەر، القالار، كۋالىكتەر، ديپلومدار، ماقتاۋ قاعازدارى جانە سەرتيفيكاتتار. مەملەكەت باسشىسىنىڭ قوعامدىق ماراپاتتارى - تاۋەلسىز قازاقستاننىڭ الەمدىك كەڭىستىككە تانىلۋىنىڭ ناتيجەسى.

كورمەنىڭ ماقساتى - مۋزەي جادىگەرلەرى ارقىلى قازاقستاننىڭ تۇڭعىش پرەزيدەنتى ن. ءا. نازاربايەۆتىڭ جاڭا قازاقستاندىق مەملەكەتتىلىك پەن اشىق قوعامدى قالىپتاستىرۋداعى ءرولىن، قوعامدىق ءومىردىڭ كوپتەگەن سالاسىنا قوسقان ۇلەسىن كورسەتۋ.

ەكسپوزيتسيا مىناداي تاقىرىپتىق بولىمدەردەن تۇرادى، مەملەكەتارالىق ىنتىماقتاستىق پەن ىقپالداسۋ سالاسىنداعى ماراپاتتار؛ مەملەكەتتىك باسقارۋ جانە ەكونوميكا سالاسىنداعى ماراپاتتار؛ قاۋىپسىزدىك، سالاسىنداعى ماراپاتتار؛ ۇلتارالىق جانە كونفەسسياارالىق كەلىسىم سالاسىنداعى ماراپاتتار؛ ءبىلىم، عىلىم جانە دەنساۋلىق ساقتاۋ سالاسىنداعى ماراپاتتار؛ مادەنيەت سالاسىنداعى ماراپاتتار؛ سپورت جانە تۋريزم سالاسىنداعى ماراپاتتار كورسەتىلگەن.

«مارتەبەسى بيىك ماراپاتتار» كورمەسى 2015-جىلدىڭ 17- تامىزىنا دەيىن جالعاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى