قازاق قىزى «سوچيدىڭ التىن ارۋى» اتاندى - فوتو

ءاليا دانياروۆا «سوچيدىڭ التىن ارۋى» تيتۋلىنا يە بولدى، وعان جۇلدە رەتىندە سوچيدە دەمالۋعا ارنالعان جولداما تابىس ەتىلدى. ايتا كەتەيىك، دانياروۆا سۇلۋلىق بايقاۋىنا ءبىرىنشى رەت قاتىسىپ تۇرعان جوق، ول «الماتى ارۋى-2014» پەن «قازاق ارۋى-2013» بايقاۋلارىنىڭ فيناليسى. ول جۇرگەنوۆ اتىنداعى ونەر اكادەمياسىنىڭ تەاتر فاكۋلتەتىن بىتىرگەن. وتاندىق تەلەحيكايالارعا قاتىسىپ ۇلگەرگەن، ولاردىڭ قاتارىندا «ماحابباتىم جۇرەگىمدە»، «قىزدار»، «جەدەل جاردەم-2»، «سۇربويداق» بار.

رەسەي، ۋكراينا مەن قازاقستاننان بارعان 27 ارۋ جەڭىس ءۇشىن تالاستى. اقتىق سىندا قىزدار ءساندى كويلەكتەرىن كيىپ، دەفيلە جاسادى، سوڭىنان كۋپالنيكتەر مەن كەشكە ارنالعان كويلەك ۇلگىلەرىن كورسەتتى. قورىتىندى باعالاۋ كەزىندە ۇلتتىق كيىمدەر مەن شىعارماشىلىق نومەرلەرگە باسا نازار اۋدارىلدى.

ايتا كەتەيىك، رەسەيدىڭ ورەل قالاسىنان قاتىسقان داريا سيمونوۆا «قارا تەڭىز جاعالاۋى ارۋى-2015» بايقاۋىنىڭ جەڭىمپازى اتاندى، ال روستوۆ-نا-دونۋدان بارعان ۆيكتوريا گۋبانوۆا ەكىنشى ورىنعا يە بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى