حورۆاتيا تاراپى قازاقستانمەن ونەركاسىپ، فارماتسيەۆتيكا، تۋريزم سالالارىندا ىنتىماقتاستىقتى دامىتپاق
«كەزدەسۋ بارىسىندا ەكى ەلدىڭ يندۋستريالدىق دامۋ، شەتەلدىك ينۆەستيتسيالاردى تارتۋ، لوگيستيكا، تۋريزم جانە تاۋ- كەن مەتاللۋرگياسى سالالارىنىڭ باسىم باعىتتارى بويىنشا ىنتىماقتاستىق ماسەلەلەرى تالقىلاندى.
اسەت يسەكەشيەۆ ەلدەگى يندۋستريالىق- يننوۆاتسيالىق دامۋدىڭ مەملەكەتتىك باعدارلامانىڭ (ي ي د م ب) ورىندالۋى تۋرالى حاباردار ەتىپ، يندۋستريالاندىرۋ ساياساتى اياسىندا ينۆەستورلار ءۇشىن ازىرلەنگەن ىنتالاندىرۋدىڭ جاڭا پاكەتى ينۆەستيتسيالىق ىنتىماقتاستىقتى ودان ءارى دامىتۋعا سەرپىن بەرەدى دەگەن ءۇمىتىن ءبىلدىردى»، - دەلىنگەن مينيسترلىك مالىمەتىندە.
مينيستر قازاقستاننىڭ وڭىردەگى ەڭ تارتىمدى ينۆەستيتسيالىق احۋالى بار ەل ەكەندىگىن اتاپ ءوتتى: «ەلدەگى باسىم باعىتتارىنىڭ ءبىرى - يندۋستريالىق دامۋ. ونەركاسىپ سەكتورىندا قازىردىڭ وزىندە ءبىرقاتار ءىرى ينۆەستورلار جۇمىس اتقارۋدا. وتكەن بەس جىل ىشىندە وڭدەۋ ونەركاسىبىنە 17 ميلليارد دوللاردان استام قاراجات تارتىلدى. وسى جۇمىس، ياعني يندۋستريالىق- يننوۆاتسيالىق باعدارلاماعا ينۆەستيتسيا تارتۋ يندۋستريالاندىرۋدىڭ ەكىنشى بەسجىلدىعىنداعى باستى مىندەتتەردىڭ ءبىرى بولىپ قالادى».
ءوز كەزەگىندە ليۋكا بۋريلوۆيچ قازاقستانىڭ دامۋىنىڭ الەۋەتى جوعارى ەكەندىگىن اتاپ ءوتىپ، حورۆاتيانىڭ شارۋاشىلىق پالاتاسىنا مۇشە 130 كومپانيانىڭ ىشىنەن كوپتەگەن كومپانيالار قازاقستاندىق تاراپپەن ونەركاسىپ، فارماتسيەۆتيكا، تۋريزم جانە ەنەرگەتيكا سالاسىندا ىنتىماقتاستىقتى دامىتۋعا ءازىر ەكەندىگىن اتاپ ءوتتى.
سونىمەن قاتار، تاراپتار ىسكەرلىك كەڭەس قۇرۋىنا ءوزارا قىزىعۋشىلىق تانىتتى. اتالمىش كەزدەسۋ حورۆاتيا رەسپۋبليكاسىنىڭ پرەمەر- ءمينيسترى زوران ميلانوۆيچتىڭ قازاقستان رەسپۋبليكاسىنا كەلۋى اياسىندا وتكىزىلدى.
اۆتور: رۋسلان عابباسوۆ
