شىعىس قازاقستاندىق بالالار جازعى دەمالىسىن كيىز ۇيلەر مەن شاتىر استىندا وتكىزبەك
ول ءۇشىن ارنايى تۋريستتىك باعىتتار جاسالدى. كىشكەنتاي ساياحاتشىلاردىڭ جاتىن ورىندارى عيماراتتار ەمەس، دالاداعى كيىز ۇيلەر مەن شاتىرلار بولماق. ال ەرەسەك بالالارعا ەڭبەك لاگەرلەرىندە جۇمىس ىستەۋ مۇمكىنشىلىگى تۋادى.
وسىلايشا شىعىستىقتار 15 مىڭعا جۋىق مەكتەپ وقۋشىسىن قىزىقتى ءارى پايدالى جازعى دەمالىسپەن قامتۋدى ۇيىمداستىرماق. ءارى مۇنداي دەمالىستىڭ باعاسى دا قول جەتىمدى بولادى دەيدى جاۋاپتى ماماندار.
ال، اقتاۋ قالاسىندا بۇرىنعى پيونەر لاگەرلەرى مەن بالالارعا ارنالعان ءتۇرلى ساۋىقتىرۋ ورىندارىنىڭ كوبى بەلگىلى ءبىر مەكەمەلەردىڭ مەنشىگىنە ءوتىپ كەتكەن. وندا كوبىنەسە تۇرمىسى تومەن وتباسىلارى مەن بالالار ءۇيىنىڭ جاسوسپىرىمدەرى دەمالادى. ال وزگە اتا- انالارعا قالتالارىن قاعۋعا تۋرا كەلەدى. ماسەلەن، وسكەمەندىك بالالاردىڭ 10 كۇندىك لاگەرگە جولداماسى ورتاشا ەسەپپەن 30 مىڭ تەڭگە تۇرادى. اقتاۋدا بۇدان الدەقايدا قىمبات. وندا 40-60 مىڭ تەڭگەگە دەيىن جەتەدى.
