بەلارۋس پرەزيدەنتىنىڭ اناسى قايتىس بولدى
پرەزيدەنت الەكساندر لۋكاشەنكو وسىعان بايلانىستى ءوزىنىڭ پاكىستانعا باراتىن جۇمىس ساپارىن ەكى كۇنگە شەگەردى، دەپ حابارلادى ەيسمونت.
جۇمىس ساپارى 26-27- مامىرعا جوسپارلانعان ەدى. ساپار بارىسىندا پرەزيدەنت مامنۋن حۋسەينمەن، پرەمەر-مينيستر ناۆاز شاريفپەن، پارلامەنتتىڭ ۇلتتىق اسسامبلەيا سپيكەرى ساردار ساديكپەن كەلىسسوزدەر جۇرگىزۋ كوزدەلگەن. ساپار قورىتىندىسى بويىنشا مينسك ءبىرقاتار قۇجاتقا قول قويىلادى دەپ ەسەپتەگەن، دەپ جازدى Lenta.ru.
«پاكىستاندا بەلارۋس پرەزيدەنتىن كۇتىپ وتىرعانىن ءبىز بىلەمىز. قابىلداۋشى تاراپتىڭ تۇسىنىستىك تانىتىپ، كەلىسسوزدەردى كەيىنگە شەگەرگەنى ءۇشىن العىسىمىزدى بىلدىرەمىز»، - دەگەن باسپا ءسوز حاتشىسىنىڭ سوزدەرىن كەلتىردى.
ەكاتەرينا لۋكاشەنكو 1924-جىلى ب ك س ر موگيليەۆ وبلىسى شكلوۆسك اۋدانى الەكساندريا اۋىلىندا تۋعان. ۇلى وتان سوعىسىنا دەيىن وسى جەردە تۇرعان. 1945-جىلى ول ۆيتەبسك وبلىسىنداعى ورشان زىعىر كومبيناتىنا جۇمىسقا ورنالاسقان. 1954-جىلى ۇلى الەكساندردى دۇنيەگە اكەلگەن سوڭ ول تۋعان اۋىلىنا ورالدى. مۇندا ساۋىنشى بولىپ جۇمىس ىستەدى. بەلارۋستىڭ بولاشاق پرەزيدەنتى اكەسىز تاربيەلەندى.
