استانادا گەرمانيادا تانىلعان قازاق سۋرەتشىسىنىڭ كورمەسى اشىلدى

بولات مەكەبايەۆ - سۋرەتشى، «الەم حالىقتارى ونەرى» حالىقارالىق قاۋىمداستىعىنىڭ لاۋرەاتى. 1990- جىلداردىڭ ورتاسىندا قازاقستاننان گەرمانياعا وتباسىمەن قونىس اۋدارعان. 2000-جىلى گەرمانيادا ءوزىنىڭ ديپلومىن راستاتادى. 2008-جىلدان بەرى بەرلين قالاسىندا تۇرىپ جاتىر. قازىرگى كەزدە Tegel-Süd  سۋرەتشىلەر وداعىندا ونىڭ جەكە شەبەرحاناسى بار.

«بولات مەكەبايەۆ ناعىز تۇركى ۇرپاعى رەتىندە جۇرەگىنەن حالقىن، تۋعان جەرىن، اتا-بابالارىن ءبىر ءسات تە شىعارمادى، تۋعان جەرىنە دەگەن ساعىنىش سەزىمى ەش تولاستاعان ەمەس. ول ونەر الدىنداعى جاۋاپكەرشىلىگى مەن سۋرەتشىلىك ميسسياسىن تەرەڭىنەن ۇعىنىپ، اسا ەموتسيونالدى كۇشپەن، تەمپەرامەنتپەن، شىنايىلىقپەن شىعارماشىلىق تالپىنىستا جۇرەدى. ۇنەمى ىزدەنىستە بولعان سۋرەتشى ءومىردى جاڭا قىرلارىنان تانىپ، ونى بىزدەرگە، زامانداستارىنا جەتكىزەدى»، - دەدى «شەجىرە» گالەرەياسىنىڭ ديرەكتورى روزا ءجۇسىپوۆا قازاقپارات تىلشىسىنە بەرگەن سۇحباتىندا.

ونىڭ سوزىنە قاراعاندا، بولات مەكەبايەۆ اتا-بابالارىنىڭ ەجەلگى تاريحىن، تۇرمىسىن، فولكلورىن بىلۋگە قۇمار تاريحشى سياقتى اسا ۇقىپتىلىقپەن زەردەلەيدى.

ايتا كەتەيىك، بۇل كورمە 10 كۇنگە جالعاساتىن بولادى. وندا ب. مەكەبايەۆتىڭ 30 دان استام تۋىندىسى كوپشىلىك نازارىنا ۇسىنىلعان.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى